Օրգանիզմը առողջ է ֆիզիկապես, երբ ներդաշնակ են հոգին ու մարմինը

Արդեն հինգ տարի է «Ին-Յան կլինիկ» Բժշկական կենտրոնն առաջարկում է  առողջական խնդիրները լուծել չինական ավանդական բժշկության մեթոդներով: Ասեղնաբուժություն, մանուալ թերապիա, բուժական մերսումներ.... Յուրաքանչյուր հիվանդության դեպքում  մոտեցումը տարբեր է, նպատակը՝ մեկը: Հասնել մարմնի եւ հոգու լիարժեք բուժման՝ առանց դեղորայքի օգտագործման: Ո՞ր առողջական խնդիրների դեպքում եւ ո՞րքանով է արդյունավետ չինական ավանդական բժշկությունը: «Առողջապահական համակարգը»  զրուցել է «Ին-Յան կլինիկ» Բժշկական կենտրոնի  հիմնադիր – տնօրեն Քրիստինա Ավագյանի հետ:

-Տիկին Ավագյան, արդեն հինգ տարի է Հայաստանում գործում է «Ին-Յան կլինիկ» Բժշկական կենտրոնը։ Ո՞րն էր չինական ավանդական բժշկությամբ զբաղվող  կենտրոնը բացելու շարժառիթը:

- Չինական փիլիսոփայությունը  ինձ միշտ է հոգեհարազատ եղել եւ նման կլինիկա բացելու գաղափարը երկար տարիներ հանգիստ չի տվել: Չինական ավանդական բժշկությամբ զբաղվելու համար, հատուկ վերապատրաստում եմ անցել Չինաստանում: Ավանդական բժշկության գաղտնիքներին ծանոթացել եմ  Պեկինի չինական ավանդական բժշկության գիտահետազոտական ամենախոշոր հոսպիտալի ակուպունկտուրայի բաժնի վարիչ, պրոֆեսոր Խիա Շուվենի ղեկավարության ներքո:

-Որո՞նք են Ձեր կենտրոնի առանձնահատկությունները:

- Մեր կլինիկայի անունը արդեն հուշում է բուժման գաղափարախոսությունը՝ Ին Յան, այսինքն՝ մարդուն անհավասարակշիռ վիճակից ին-յան ներդաշնակության բերելը, հոգին ու օրգանիզմը առողջացնելը։ Օրգանիզմը առողջ է ֆիզիկապես, երբ առողջ է հոգեպես։ Ռեֆլեքսոթերապիան  և մասնավորապես ասեղնաբուժությունը արևելյան բժշկության ամենատարածված ճյուղերից է և ավելի քան 4000 տարվա պատմություն ունի և մինչ օրս չի կորցրել իր արդիականությունը, հիմա արդեն մեծ տարածում ունի ամբողջ աշխարհում։ ։ Մեթոդի հիմքում մարդու մարմնի մակերեսի կենսաբանական ակտիվ կետերի վրա ասեղի, մոքսայի, ցուբոյի միջոցով ազդելն է: Մերիդիանային և արտամերիդիանային կետերի վրա ներգործելով՝ ազդում ենք  օրգանիզմի նյարդահորմոնալ կարգավորման համակարգի վրա, ինչն էլ հնարավորություն է տալիս առանց դեղորայքի կանխարգելել և բուժել հիվանդությունները: Արտաքին միջավայրը՝ եղանակը, կենցաղը, ընտանեկան խնդիրները, անգամ մտքերը կարող են բացասաբար անդրադառնալ մարդու առողջության վրա, օրգանիզմը գցել աններդաշնակության մեջ ու հիվանդության զարգացման պատճառ դառնալ։ Մենք չինական ավանդական բժշկության մեթոդներով՝ ասեղնաբուժության, բուժական մերսումների միջոցով  արթնացնում ենք օրգանիզմի պահեստային ուժը- ներքին բժշկին, վերականգնում օրգանիզմի արտաքին և ներքին ներդաշնակությունը եւ հասնում լիարժեք բուժման:

-Ո՞ր հիվանդությունները կարելի է բուժել չինական ավանդական մեթոդներով:

- Համարյա բոլոր ֆունկցիոնալ խանգարումներով հիվանդությունների դեպքում մեր կիրառած բուժման եղանակները գործում են մեծ արդյունավետությամբ: Գլխացավ, օստեոխոնդրոզ, կեցվածքի խախտումներ, հոդացավ, մկանացավ, անքնություն, նևրոզ, դեպրեսիա, գիշերամիզություն, անմիզապահություն, տիկեր, բրոնխիալ ասթմա, ճնշման խանգարումներ, նյութափոխանակության խանգարումներ, վարիկոզ հիվանդություն, ծխախոտամոլություն, դաշտանային ցիկլի խանգարումները, անպտղություն, ստամոքսաղիքային հիվանդությունները  ... հիվանդությունների ցանկը, որ առաջարկում ենք բուժել ասեղնաբուժության, մանուալ թերապիայի, կետային, տիբեթյան, վակուում, թվինա, գուաշա և այլ բուժական մերսումների միջոցով, չափազանց  մեծ է․․․Մեթոդների արդյունավետության գրավականը այս տարիների ընթացքում բուժված հարյուրավոր հիվանդներն են: Վերջերս, օրինակ, կլինիկա էր դիմել 38 տարեկան մի կին՝ կլիմակտերիկ նևրոզ ախտորոշմամբ: Արդեն 8 ամիս է՝ դաշտանադադարի մեջ էր, որի հետեւանքով ուներ մի շարք գանգատներ: Բուժման կուրսից հետո  ոչ միայն վերականգնվեց դաշտանային ցիկլը, այլև կինը հղիացավ:

Երբեմն մեզ են դիմում նաև հազվադեպ հիվանդությունների դեպքում: Անզուսպ զկռտոցով տառապող միջին տարիքի տղամարդու մոտ, օրինակ, ամիսների ընթացքում հիվանդությունը այնքան էր զարգացել, որ նա ոչ կարողանում էր հաց ուտել, ոչ էլ՝ խոսել։ Եղել էր մի քանի ստացիոնար բուժհաստատություններում, ստացել ամենահավանական ու անհավանական դեղորայքային բուժում, բայց՝ անօգուտ: Միայն ասեղնաբուժության օգնությամբ ազատվեցինք այդ խնդրից  մի քանի օրում:

Մեր կլինիկա են դիմում նաև բազմաթիվ հիվանդներ ԱՄՆ-ից, Ռուսաստանից ու այլ երկրներից: Բոլորն էլ հեռանում են առողջ և գոհ ստացված արդյունքներից...

- Գիտեմ, որ «Ին-Յան կլինիկ» Բժշկական կենտրոնում բուժում են առաջարկում նաեւ այն հիվանդներին, որոնք խուսափում են ասեղներից: Ի՞նչ մեթոդներ  են դրանք եւ արդյո՞ք նույնքան արդյունավետ են, որքան ասեղնաբուժությունը:

- Այո, ունենք հիվանդներ, ովքեր խուսափում են ասեղներից: Դա նաեւ հոգեբանական խնդիր է, որի դեմ մենք լուծում ունենք: Օգտագործում ենք կետերի վրա ներգործող հատուկ սարքը՝ մագնիտա-լազերային թերապիայի համար։ Դա կարելի է գործածել ասեղնաբուժության միջոցով  բուժվող համարյա բոլոր հիվանդությունների դեպքում: Արդյունավետությունը նույնն է, ինչ ասեղնաբուժության ժամանակ: Ասեղներից խուսափող հիվանդների համար լավ լուծում կարող են լինել նաեւ Չինաստանից բերված հատուկ սիգարներն  ու մոքսաները: Ի դեպ, անհրաժեշտության դեպքում մենք ավանդական բժշկությունը հաճախ համադրում ենք ժամանակակից բուժման մեթոդների հետ եւ պացիենտը ստանում է համալիր բուժում:  Այդպես են վարվում նաև Չինաստանի ամենախոշոր հոսպիտալներում ու բժշկական գիտահետազոտական կենտրոններում: Ժամանակակից  բժշկության վերջին նորամուծություններին զուգահեռ չեն դադարում չինական ավանդական բժշկության մեթոդները կիրառել։

- Ձեր ծառայությունն եք առաջարկում նաեւ նրանց, ովքեր ցանկանում են նիհարել, ձերբազատվել ծխելու կամ այլ վատ սովորություններից... Մեթոդները նո՞ւյնն են: Նման  դեպքերում ե՞ւս ասեղնաբուժության կուրս է անհրաժեշտ:

-Մոտեցումները տարբեր են, յուրքանչյուր այցելուի համար անհատական: Նիհարելու համար, օրինակ, օգտագործում ենք ականջախեցու վրա տեղադրված միկրոասեղը: Ականջախեցու կետերի օգնությամբ այն կարգավորում է նյութափոխանակությունը, ազդում հագեցվածության զգացողության վրա, և պացիենտը աստիճանաբար սկսում է շուտ հագենալ ու սննդակարգի չափաբաժինը կրճատել։ Կուրսն ավարտելուց հետո շուտ հագեցվածության զգացումը պացիենտի մոտ դառնում է ապրելակերպ։ Ճարպակալման դեմ պայքարում շատ արդյունավետ է նաեւ մեր կենտրոնում իրականացվող հակացելյուլիտային մերսումը, ինչպես նաեւ կետգուտային թելերի ներարկումը որովայնի և ոտքերի կենսական ակտիվ կետերի մեջ: Արդյունքների մասին օրինակներով՝ մեր պացիենտներից մեկը 15 շաբաթում 33 կիլոգրամ նիհարեց՝ առանց հատուկ սննդակարգի անցնելու: Ականջախեցու կետերի ներգործությամբ՝ աուրիկուլոթերապիայի  մեթոդն է կիրառվում նաեւ ծխելու վատ սովորության դեմ պայքարում: Բուժման 15 պրոցեդուրան բավարար է լինում, որպեսզի ծխելիս զզվելի համի զգացողություն առաջանա ու մոլի ծխողը  հրաժարվի այդ սովորությունից:

- Եվ վերջում Ձեր խորհուրդը պացիենտներին

- Ես կուզեի խորհուրդ տալ ոչ միայն մեր պացիենտներին, այլ ընդհանրապես բոլոր մարդկանց հետևել առողջությանը, հաճախակի անցնել պրոֆիլակտիկ ստուգումներ, կանխարգելելու համար հիվանդությունների հետագա զարգացումը։ Անտարբերությունը սեփական առողջության հանդեպ կարող է դառնալ հետագա բարդությունների պատճառ։