Լսողական տեխնոլոգիաների Հայաստանյան հնարավորությունները

Մեծ Բրիտանիայում իրականացված հետազոտությունների արդյունքում պարզվել է, որ ծերունական ծանրալսության տարիքային շեմը նվազել է մինև 45 տարեկանը, և շարունակաբար նվազելու միտում ունի: Ծանրալսության երիտասարդացումը կանխելու համար 2007 թ Եվրամիությունը օրենք է ընդունել աշխատավայրերում աղմուկի աստիճանը որոշելու և աղմուկի դեմ անհրաժեշտ պաշտպանական միջոցառումներ կիրառելու մասին: Այս օրենքը Հայաստանում էլ է ընդունվել:  

Ի՞նչ մակարդակում է Հայաստանում լսողության պահպանման պրոֆիլակտիկան, և հասանելի՞ են արդյոք լսողական նանոտեխնոլոգիաները մեր հասարակությանը: Մեր զրուցակիցը Մ. Հերացու անվան ԵՊԲՀ  ԼՕՌ-հիվանդությունների ամբիոնի դոցենտ, «Արֆա-Մեդ» լսողական ապարատների կենտրոնի տնօրեն Գարեգին Միրաքյանն է: 

Լսողության թշնամին

Աղմուկ… այն ամենուր է ու անընդհատ փողոցում, աշխատանքում, ժամանցի վայրերում, անգամ տանը, այդ աղմուկը հաճախ գերազանցում է 80 դեցիբելը, որը մարդու կոմֆորտային լսողություն բարձրակետն է: Իսկ 80 դեցիբելից բարձր ձայնային ազդանշանները կարող են առաջացնել տարբեր հիվանդություններ, մինչև անգամ սրտի կանգ: Այս մշտական աղմուկի հետևանքով ծանրալսությունը դադարել է ծերունական համարվելուց. այն 20 տարով երիտասարդացել է: Ու էլի կերիտասարդանա, քանի դեռ շարունակում ենք ականջակալներով անընդհատ բարձր երաժշտություն լսել, աշխատավայրերում և ռեստորաններում չհոգալ աշխատակիցների ու հաճախորդների ձայնային կոմֆորտ միջավայր ապահովելու մասին: 

Մենք էլ ունենք այդ օրենքը, ունենք Ակուստիկայի գիտական կենտրոն, որի աշխատակիցները գործարաններում, արտադրամասերում, ռեստորաններում ու այլ ժամանցի վայրերում աղմուկի աստիճանի չափումներ են իրականացնում: Եթե այդ վայրերում  ձայնը գերազանցում է սանիտարական նորմը, այն պետք է նվազեցնել, իսկ եթե գործարան է, և աղմուկն անխուսափելի է, ականջի ձայնամեկուսիչ ներդիրներ տրամադրել աշխատակիցներին

Կույր լինելը մարդկանց անջատում է իրերից, իսկ ծանրալսությունը մարդկանց անջատում է իրարից: (Գյոթե)

Վատ լսող մարդը կորչում է ինֆորմացիոն դաշտում, փորձելով լսել խոսակցին` հայտնվում է սարսափելի գերլարված վիճակում, վախենում սխալ պատասխանել, հայտնվել անհարմար իրավիճակում: Այս հոգեվիճակն էլ հանգեցնում է ճնշման բարձրացմանը, գերհոգնածությանը: Այդ պատճառով էլ թվային լսողական ապարատ կրելը պարտադիր է: Այն ոչ միայն վերացնում է վերոնշյալ  անհարմարությունները, այլև կանխում է ծանրալսության խորացումը: Հայտնի է, որ օրգանի անգործությունը խորացնում է խնդիրը: Թվային լսողական ապարատը որսում է 125-8000 հերց ձայնային ալիքները և ստիպում է, որ լսողության օրգանը աշխատի: Կարևոր է  նաև ըստ պացիենտի աուդիոգրամայի լսողական ապարատի ճիշտ կարգավորումներ կատարելը: Աուդիոգրամայի շնորհիվ որոշվում են ծանրալսության աստիճանն ու բնույթը, ըստ այդմ էլ ընտրվում ու կարգավորվում է լսողական ապարատը: Անգամ ամենալավ ու թանկ ապարատը ցանկալի արդյունք չի տա, եթե համակարգչային բազային ճշգրիտ կարգավորումներ չկատարվեն: Լսողական ապարատը տեղադրելուն հաջորդում է ադապտացիոն շրջանը, որից հետո ըստ հիվանդի զգացողության կատարվում է վերջնական թյունինգային կարգավորումը:  

Ձայնային բոլոր ալիքներ որսացող նանոտեխնոլոգիաները

 2006թ. երբ սկսեց գործել «Արֆա-Մեդը», չէինք էլ կարող պատկերացնել, որ մի օր կունենանք նանոտեխնոլոգիաներով պատրաստված այսպիսի  սպեկտորի ու հզորության ապարատներ: Էլ չեմ խոսում չափսերի մասին. եթե առաջ միջին կամ 4-րդ աստիճանի ծանրալսության համար նախատեսվում էին մեծ ու անհարմար չափի ապարատներ, ապա այսօր դրանց չափսերն անհամեմատ փոքր են,  ու չնայած փոքրությանը` ունենում են մինչև 20 կանալներ, որսում են անգամ բարձր հաճախականության ձայներ ու ապահովում են սոցիալական ադեկվատ լսողություն: Ճիշտ է` Եվրոպայում լսողական ապարատներ արտադրող ընկերությունները շատ են, բայց մենք նախընտրել ենք շվեյցարական «Բերնաֆոնը» մի քանի հիմնավորմամբ: Նախ` ամբողջ աշխարհին են հայտնի շվեյցարական բարձրագույն տեխնոլոգիան և ինժեներական միտքը, որի ճանաչված արգասիքը ժամացույցներն են: Երկրորդ` շատ են «Բերնաֆոնի» ինովացիաները. տարեկան արտադրվում է 2-3 նոր լսողական ապարատ: Եվ երրորդ` այս ֆիրման մասնագիտացած է միայն լսողական ապարատների արտադրությունում, որի ինժեներական կազմում ընդգրկված են աշխարհի լավագույն մասնագետները: Վերջերս ձեռք ենք բերել նաև նոր գործընկեր` ամերիկյան «Ստարկեն», ԱՄՆ-ի համար առաջին ընկերությունը, որի լսողական ապարատները կրել են երկրի նախագահներ և բարձրաստիճան պաշտոնյաներ: «Ստարկե»-ում է առաջին անգամ  պատրաստվել աշխարհի ամենափոքր լսողական ապարատը, որը բացարձակ անտեսանելի է, ու այդպես էլ կոչվում է՝ invisible: 

Արդյոք ճիշտ է առանց հիվանդի ներկայության լսողական ապարատ ձեռք բերելը

Հաճախ բախվում ենք այն խնդրին, որ արտերկրում ապրող մեր հայրենակիցները իրենց բարեկամների համար, առանց հիվանդի լսողության ախտորոշման տվյալների, գնում և ուղարկում են լսողական ապարատներ, որոնք չեն համապատասխանում լսողության իջեցմանը:

Իհարկե, մեր կենտրոնը հանդիսանում  է «Բերնաֆոն» և «Ստարկե» ֆիրմաների պաշտոնական ներկայացուցիչը, բայց  մեզ մոտ կատարվում է  նաև այլ եվրոպական և ամերիկյան հայտնի արտադրողների լսողական ապարատների ծրագրավորում:

Ճիշտ է լսողական ապարատը ձեռք բերել տեղում, որովհետև  հիվանդի շփումը բժիշկի հետ հնարավորություն է տալիս բժշկին հաշվի առնել լսողության իջեցման շատ նրբություններ, ինչն օգտագործվում է լսողական ապարատի  բազային և մանրակրկիտ կարգավորման ժամանակ: Մեր կլինիկայում ամբողջ ծառայությունը իրականացվում է բարձր որակավորում ունեցող բժիշկ-աուդիոլոգների և ոչ ինժեներ- ակուստիկների կողմից:

Այստեղ գործում է նաև երաշխիքային և հետերաշխիքային սպասարկման կենտրոն, որտեղ կատարվում են լսողական ապարատների անսարքության դիագնոստիկա և վերանորոգում: Իրականացվում են անհատական  կոշտ և փափուկ ներդիրների, ներականջային ապարատների կաղապարների պատրաստում, որոնց համար  հիվանդի ներկայությունը պարտադիր է:

Երևակ ամսագիր