էրեբունի ԲԿ դիմած ուռուցքային բոլոր հիվանդների դեպքերը պարտադիր քննարկվում են Tumor board-ում
Ուռուցքաբանության ոլորտի զարգացումը ու պացիենտների ճշգրիտ բուժման կազմակերպումը Էրեբունի բժշկական կենտրոնի առաջնահերթություններից է: Հենց այս նպատակով կենտրոնը հատուկ սկզբունք է որդեգրել.ուռուցքային խնդրով կենտրոն դիմած յուրաքանչյուր հիվանդի բուժման տակտիկան որոշվում է Tumor board-ում Ուռուցքաբանության գծով փոխտնօրենի ղեկավարությամբ: Tumor board-ը մասնագետների խումբ է, որը կազմվում է ըստ պաթոլոգիայի, դրա կազմում ընդգրկվում են ուռուցքաբանը, վիրաբույժը, դիագնոստը, ու համատեղ որոշում՝ ինչ բուժում պետք է անցնի ուռուցքային հիվանդություն ունեցող պացիենտը. “Էրեբունի բժշկական կենտրոնը խոշոր մուլտիդիսցիպլինար հիվանդանոց է, որտեղ ուռուցքային խնդրով պացիենտների դիմելիությունը բավականին շատ է, ու շատ կարևոր է նրանհց բուժման համար արդյունավետ տակտիկա մշակել: Միջազգային պրակտիկան պահանջում է, որ ուռուցքաբանը, վիրաբույժն ու դիագնոստը համատեղ Tumor board-ի ընթացքում որոշեն՝ հետազոտությունների ինչ ծավալ իրականացնել, կոնկրետ դեպքում սկսել քիմիաթերապևտիկ, թե վիրահատական բուժումից: Ու այս միջազգային կարևորը ստանդարտը մենք ներդրել ենք Էրեբունի կենտրոնում:
Այսինքն այժմ մեր կենտրոնում պացիենտի բուժման համար պատասխանատվություն են կրում Tumor board-ի բոլոր անդամները: Բուժման ռազմավարության շուրջ վերջնական որոշումը կայացնելուց հետո լրացվում է Tumor board-ի թերթիկ, որը կցվում է հիվանդության պատմագրին համապատասխան ստորագրություններով, ու բոլորը պարտավոր են հետևել այդ որոշմանը”,- պատմում է Էրեբունի ԲԿ Ուռուցքաբանության գծով փոխտնօրեն Հայկուհի Գյոկչյանը՝ հավելելով, որ յուրաքանչյուր պացիենտի համար նման քննարկումներ լինում են բուժման բոլոր փուլերում՝ կախված անհրաժեշտությունից: Անգամ եթե գիշերային ժամերի շտապ վիրահատության ցուցումով ուռուցք ունեցող պացիենտ է ընդունվում, միևնույն է բժիշկները օպերատիվ քննարկում են նրա վիճակն ու նոր որոշում կայացնում:
Այս մոտեցումը նաև նվազագույնի է հասցնում է բժշկական սխալի հավանականությունը, քանի որ որոշումը ընդունվում է ոչ թե միանձնյա, այլ մի քանի բժշկի մասնագիտական կարծիքի հիման վրա ու ըստ միջազգային ուղեցույցների: Սա կարևոր է նաև պացիենտի համար, ով միշտ ցանկություն ունի երկրորդ կարծիք լսել, իսկ Tumor board-ի որոշման արդյունքում մի քանի նեղ մասնագետների կարծիքը կարող է ստանալ, ու առավել վստահ լինի, որ իր համար մշակված բուժման տակտիկան հնարավոր լավագույնն է: Ավելին, աշխատանքի այս մոտեցումը արդյունավետ է դարձնում պացիենտի բուժումը, քանի որ բուժման բոլոր պրոցեսները համաձայնեցված ու փոխկապակցված են կազմակերպվում, պացիենտը ստիպված չէ մեկ տեղից այլ տեղ գնալ հետազոտության կամ բուժման որևէ փուլ անցնելու համար: Լավագույն դիագնոստիկ ծառայություններ ու կլինիցիստ բժիշկներ ունեցող Էրեբունի կենտրոնում անում են ամեն ինչ, որպեսզի քաղցկեղ խնդրին բախված պացինետները վստահ լինեն, որ կներդրվեն առավելագույն ջանքեր իրենց արդյունավետ բուժման համար:
