Ճիշտ կլինի, որ ջերմություն ունեցող մարդն իր ոտքով չգնա պոլիկլինիկա

«Վստահ եմ, որ Հայաստանը կհաղթահարի թագավիրուսի պանդեմիան մարդկանց բարձր ինքնագիտակցության, համախմբվածության, վիրուսի դեմ պայքարում կամավորական խմբերի օգնության, և ամենակարևորը՝ առողջապահության ոլորտում անհապաղ և բարձրակարգ  կազմակերպված միջոցառումների շնորհիվ:

Բարեբախտաբար Հայաստանում կորոնավիրուսով վարակվածների մեծ մասի մոտ գանգատներ և կլինիկական արտահայտումներ չեն նկատվում․ այսինքն  գործ ունենք ենք հիմնականում զուտ վարակակիրների հետ, շատ փոքր թիվ են կազմում մարդիկ, ում մոտ առկա են թեթև ախտանիշներ՝ սուբֆեբրիլ տենդ/մինչև 37,5աստ․/, չոր հազ, ընդհանուր թուլություն։ Միայն երկու միջին ծանրության դեպք ունենք թոքաբորբորբի զարգացումով»,-Mednews.am-ի հետ զրույցում ասեց Ներքին Հիվանդությունների Բժշկության Հայկական Ասոցացիայի նախագահ, թիվ 2-րդ բուժմիավորման թերապևտիկ ծառայության ղեկավար Լամարա Մանուկյանը:

Հաշվի առնելով այն հանգամանքը, որ վիրուսը տարածվում է  օդակաթիլային և շփման եղանակներով, Լամարա Մանուկյանը հիշեցնում է վիրուսից պաշտպանվելու կանոնները. «Վարակից խուսափելու համար պետք է օգտագործել անձնական պաշտպանիչ միջոցներ/ԱՊՄ/՝ դիմակներ, ձեռնոցներ և մեկուսացնող հագուստ և ախտահանող նյութեր 70% սպիրտային բաղադրությամբ։ Խորհուրդ եմ տալիս դիմակները և ձեռնոցները  կրել փակ տարածքներում՝ աշխ՛ատավայրում, խանութներում և այլն և ոչ թե փողոցում։ Շփման ժամանակ պետք է պահպանել 1-1,5մետր հեռավորություն բոլոր վայրերում, ավելի հեռու կանգնել / մինչև 3մետր/ փռշտացող և հազացող մարդկանցից, նվազեցնելով վիրուսի օդակաթիլային տարածումը։ Ինչու՞ է պետք լվանալ ձեռքերը հաճախ, որովհետև ձեռքերի մակերեսի վրա կորոնավիրուսը ապրում է 5-10րոպե, իսկ գործվածքի վրա, ապակյա և մետաղյա մակերեսների վրա 6-12ժամ։ Այդ իսկ պատժառով ձեռքերի միջոցով վիրուսի տարածումը կարելի է կանխել հաճախակի լվանալով»։

 Նաև բժշկուհին  խորհուրդ է տալիս  քրոնիկ սիրտ-անոթային, թոքային,և այլ ներքին օրգանների  հիվանդություններ ունեցող մարդկանց ավելի զգույշ լինել, որպեսզի առավելագույնս խուսափեն կորոնավիրուսով վարակվելու վտանգից: «Ոչ միայն կորոնավիրուսը, այլև ցանկացած այլ վիրուսային հիվանդություն կարող է բերել առողջական քրոնիկ խնդիրների սրացմանը: Հետևաբար տարեց՝ 65 անց մարդկանց մոտ կորոնավիրուսի հայտնաբերման դեպքում ոչ միայն պետք է ապահովվել վերահսկողություն կորոնավիրուսի բուժմամ հետ կապված, այլև նաև կապ հաստատել իր քրոնիկ հիվանդությունը վարող բժշկի հետ՝ սրացումները կախարգելելու և որոշակի կորեկցիա մտցնելու բուշման  մեջ »,-ասում է նա:

Բժշկուհին նաև հիշեցնում է, որ վիրուսը միշտ էլ հեշտությամբ փոխանցվում է այն մարդկանց, ում իմունային համակարգը ընկճված է, դրա համար  խորհուրդ է տալիս օգտագործել օրվա ընթացքում մինչև 2 լիտր տաք հեղուկներ, մուլտիվիտամինային հավելումներ, ասկորբինաթթու, խոտաբույսային իմունախթանիչ  դեղորայք կամ թեյեր՝ իմունային համակարգը և օրգանիզմի դիմադրողականությունը բարձրացնելու նպատակով։ «Վիրուսը այն հրեշն է, որ մտնում է ցածր իմունիտետ ունեցող օրգանիզմ ու մենք պետք է փորձենք կանխարգելել նաև այլ սուր շնչառական վարակների տարածումը, քանի որ եթե մարդն անգամ այլ վիրուսով է վարակված, դա արդեն նշանակում է, որ ունի ցածր իմունիտետ ու հեշտությամբ կարող է վերցնել նաև կորոնավիրուսը»:

Ու հետևաբար շատ կարևոր է նվազեցնել կորոնավիրուսի տարածման հնարավոր աղբյուրները. «Կարծում եմ՝ չի կարելի թույլ տալ, որ ջերմություն կամ վարակի այլ ախտանշաններ  ունեցող մարդը այցելի պոլիկլինիկա ու ճանապարհին՝ տրասպորտում  կամ բժիշկի սպասասրահում վարակի այլ մարդկանց, առավել ևս, որ ոչ բոլոր պոլիկլինիկաներում կան  մեկուսարաններ, որտեղ բժիշկը կարող է առանձին հետազոտել հիվանդին:Կարծում եմ, ավելի ճիշտ կլինի որ ցանկացած ջերմություն ունեցող մարդ միանգամից դիմի շտապ օգնության ծառայությանը, որտեղ կձևավորված կլինեն հատուկ արձագանքման շտապ օգնության բրիգադներ բոլոր ենթակայաններում, համապապատասխան սարքավորումների և դեղորայքի հագեցվածությամբ,և կսպասարկեն հիվանդներին՝տեղում որոշելով՝ ինքնամեկուսացնե՞լ, թե՞ տեղափոխել Նորքի ինֆեկցիոն հիվանդանոց: Եվ միայն վարակի բացակայության դեպքում ուղղորդել տեղամասային պոլիկլինիկա համապատասխան բուժում ստանալու համար: Այս մեխանիզմը էապես կնվազեցնի կորոնավիրուսի տարածման վտանգը:

Բժշկուհի Լամարա Մանուկյանը կոչ է անում, որ Առողջապահության Համաշխարհային Կազմակերպության կողմից թերապևտների ու ընտանեկան բժիշկների համար նախատեսված կորոնարովիրուսի վարման և կանխարգելման նպատակով նոր ուղեցույցները կիրառվեն  առողջության առաջնային պահպանման օղակում, քանի որ դա թույլ կտա առավել արդյունավետ պայքարել կանխարգելման համար:

Ու հավելում է. «Մեզ մնում է չմատնվել խուճապի,քանի որ, սթրեսային իրավիճակում բարձրանում է կորտիզոլ հորմոնի քանակը արյան մեջ,որը  ևս ընկճում է իմուն համակարգը։ Քանի դեռ նոր դեպքերը մեր երկրում սրնթաց ավելանում են, առավել ևս առտակարգ դրության խստագույն սանիտարա-հիգենիկ ախտահանման և կանխարգելման միջոցառումների իրականացման պայմաններում նորմալ է, որ մարդիկ անհանգստանում են։ Ես դա խուճապ չէի անվանի, մարդիկ վախենում են վարակվել, սթափ գիտակցելով վարակի տարածման չենթարկվող վտանգը։ Բայց անշուշ՛տ պետք է պահպանել արտակարգ իրավիճակում զգոնությունը և կարգապահությունը, որպեսզի վարակման նոր դեպքեր չգրանցվեն, որն էլ կհանդիսանա վիրուսից ազատվելու մեր հաջողության գրավականը»,-Mednews.am-ի հետ զրույցում նշեց Ներքին Հիվանդությունների Բժշկության Հայկական Աասոցացիայի նախագահ, թիվ 2-րդ բուժմիավորման թերապևտիկ ծառայության ղեկավար Լամարա Մանուկյանը՝ հավելելով, որ իրավիճակի կայունացման հույսը կապում է նաև կորոնավիրուսի պատվաստանյութի կիրառման  հետ, որը դեռ փորձարկվում է կամավորների վրա, ինչպես նաև օդի ջերմաստիճանի բարձրացման  հետ/+30աստ/։

Եվ վերջում մի հարցադրում էլ արեց բժշկուհին. «Ինչու՞ այս «արհավիրքը» իմ ազգին բաժին հասավ հենց մեծ պահքի շրջանում: Միգուցե վերանայե՞լ հոգևոր արժեքները, ապաշխարհել և աղոթել առ Աստված մեր բժշկության համար։Հայտնում եմ զորակցությունս իմ ժողովիդին, առողջություն և համբերություն ձեզ»։