Ամեն ինչ դիֆուզ տոքսիկ խպիպի մասին․ վիրաբույժ, ուռուցքաբան բ.գ.թ. Գագիկ Թունյան
Դիֆուզ տոքսիկ խպիպը (Բազեդովյան հիվանդություն, Գրեյվսի հիվանդություն) վահանաձև գեղձի հիվանդություն է։
Թեման լուսաբանում է վիրաբույժ, ուռուցքաբան բ.գ.թ. Գագիկ Թունյանը
Հիվանդությանը բնորոշ են.
Վահանաձև գեղձի ծավալի մեծացումը
Հաճախասրտությունը (տախիկարդիա)
Էնդոկրին օֆտալմոպաթիա (էկզօֆտալմ):
Հիվանդության հիմքում իմուն համակարգի կողմից գեղձի բջիջների հանդեպ սպեցիֆիկ հակամարմինների արտադրությունն է, որոնք խթանում են վահանագեղձի հյուսվածքի աճին, հորմոնների գերարտադրությանը, իսկ ակնագնդի շուրջ առաջացնում ճարպաբջջանքի այտուց։
Թիրեոտոքսիկոզի սիմպտոմներն են.
- Գերքրտնարտադրությունը
- Ձեռքերի մատների դողը
- Տաքության զգացողությունը
- Հաճախասրտությունը,
- Առիթմիան
- Ախորժակի կորուստը
- Կարճ ժամանակահատվածում քաշի անկումը
- Գերակտիվ ֆիզիկական աշխատանքը
- Էմոցիոնալ անկայունությունը (լացկանություն, ագրեսիվություն):
Դիֆուզ տոքսիկ խպիպը հիմքում ընկած է գենետիկական նախատրամադրվածությունը։ Հիվանդության զարգացմանը նպաստում են սթրեսը, ինֆեկցիոն հիվանդությունները, ծխելը, հղիություն/ծննդաբերությունը։
Բուժումը բազմատեսակ է, ուղղված թիրեոտոքսիկոզի չեզոքացմանը։ Տարբերում են բուժման 3 հիմնական տեսակ.
- Կոնսերվատիվ բուժում
- Վիրահատական բուժում
- Ռադիոյոդ թերապիա։
Կոնսերվատիվ բուժման տեւողությունը 1-1.5 տարի է։
Հիվանդության կրկնվելը ցուցում է առավել արմատական բուժման անցնելուց։
Վիրաբուժական բուժման ցուցումներն են.
- Վահանագեղձի մեծչափսերը
Էնդոկրին օֆտալմոպաթիայի առկայությունը- Ալերգիկ ռեակցիաներ կոնսերվատիվ բուժման ժամանակ
- Հիվանդի ցանկությունը։
Ռադիոյոդ-թերապիան առավել անվտանգ մեթոդ է, սակայն ոչ միշտ արմատական և հասանելի մեր երկրում։
Արթմեդ ԲՎԿ-ում հատուկ ուշադրություն է դարձվում էնդոկրին պաթոլոգիայով հիվանդների ժամանակակից մեթոդներով ախտորոշման ամբողջականության ապահովմանը (լաբորատոր հորմոններ, օնկոմարկերներ, գործիքային սոնոգրաֆիա, ՀՇ, ԷԿԳ, ԷխոԿԳ):
Կոնսերվատիվ և վիրահատական բուժումը իրականացվում է ողջ ծավալով` գերժամանակակից վիրահատական սարքավորումների օգտագործմամբ (Harmonic-դանակ, Liga-Shou-դանակ, բիպոլյար էլեկտրոդանակ):
