Մի՛ զբաղվեք ինքնաբուժությամբ. ալերգիկ ռինիտ

Ալերգիկ ռինիտի սրացումները կրում են սեզոնային  բնույթ: Ալերգիկ ռինիտը քթի խոռոչի բորբոքում է, որն առաջանում է ալերգենների նկատմամբ իմուն համակարգի գերզգայունության արդյունքում։

Ռինիտի նշաններն են .

·       քթահոսությունը,

·       քթի փակվածությունը,

·       քթային դժվարացած շնչառությունը,

·       փռշտոցը,

·       աչքերի կարմրությունը,

·       քորը,

·       արցունքահոսությունը 

·       աչքերի շրջանում այտուցը:

Նման նախանշանների դեպքում պետք է դիմել մասնագետի ու չզբաղվել ինքնաբուժությամբ:  Մարդիկ հաճախ դեղատներից առանց մասնագետի հետ խորհրդատվությանն ու հստակ ախտորոշման դեղեր են գնում կամ առաջնորդվում հարևանների խորհուրդներով: Ալերգիաների դեմ դեղատանը առաջարկվող դեղորայքների մեջ շատ են անոթասեղմիչ կաթիլները, որոնք տալիս են իրավիճակի ժամանակավոր լավացում, այտույցի իջեցում, սակայն մյուս կողմից հանգեցնում են դեղից կախվածության և իրավիճակի բարդացման:

Քիթ-կոկորդ-ականջաբան, ԼՕՌ-վիրաբույժ Լևոն Թորոսյանը ռինիտների սկզբնական փուլում սովորաբար նշանակում  է լվացումներ ծովի աղի լուծույթով, հորմոնալ սփրեյներով, հակահիստամինային դեղորայքով, որպեսզի ճնշվեն հակամարմինները: Իսկ խորացված ձևերում, երբ ռինիտը չի ենթարկվում բուժման ՝  ներգրավում է գործընկեր ալերգոլոգներին: 

Ճիշտ չբուժված սեզոնային ռինիտը կարող է վերածվել շուրջտարվա ռինիտի, իսկ շուրջտարվա ռինիտը ժամանակի ընթացքում կարող է վերածվել ասթմայի կամ անգամ առաջացնել թոքային խնդիրներ: Հետևաբար կարևոր է գանգատներ ունենալու դեպքերում ստանալ անհրաժեշտ է մասնագիտական խորհրդատվություն: Դիմելով ՛՛ Նաիրի՛՛ ԲԿ ԼՕՌ բաժանմունք, դուք կստանաք մասնագիտացված խորհրդատվություն և բուժում: Քիթ-կոկորդ-ականջաբան Լևոն Թորոսյանը պատրաստ է ձեզ լսել և օգնել։