Բժշկության մեջ
շատ են դեպքերը, երբ հիվանդության հաղթահարման և հիվանդի լիարժեք ապաքինման համար կարիք է լինում տարբեր պրոֆիլների մասնագետների
համագործակցության: Եվ որպես կանոն, մշտապես այդ համագործակցությունները տալիս են իրենց
քաղցր պտուղները:
Արթմեդ բժշկական
վերականգնողական կենտրոնը այս առումով բացառիկներից է: Այստեղ հավաքված են բազմապրոֆիլ,
փորձառու, պրոֆեսիոնալ մասնագետներ, որոնք պատրաստ են և համագործակցում
են միմյանց հետ՝ ի շահ հիվանդի:
ԼՕՌ ծառայության
մասնագետների համագործակցության շրջանակը լայն է. նյարդաբաններ, թոքաբաններ, դիմածնոտային
վիրաբույժներ...:
Այդ համագործակցությունների,
դրանց արդյունքների մասին ենք զրուցել Արթմեդ ԲՎԿ փոխտնօրեն, ԼՕՌ մասնագետ Արայիկ Ղարիբյանի
հետ:
Եթե հիվանդը Արթմեդ
բժշկական կենտրոն է դիմել լսողության իջեցմամբ և ականջներում մշտապես աղմուկ ունենալու
գանգատներով, ապա ԼՕՌ ծառայության մասնագետները նախ և առաջ ուղարկում են լսողության
աուդիոմետրիայի, ապա տեմպանոմետրիայի: Նման ախտանշանները կարող են վկայել լսողական ներվի նևրիտի մասին: Քանի որ լսողական
ներվը և ուղեղի անոթներ փոխկապակցված են, սկսվում է ԼՕՌ-նյարդաբան մասնագետների համագործակցություն:
Լսողական ներվի
նևրիտի առաջացման պատճառ կարող է լինել գլխուղեղային անոթների խանգարումը, խցանումն
ու նեղացումը: Իսկ նման խնդիրներ կարող են առաջանալ դեղորայքից, վիրուսներից, արյան
շրջանառության խանգարումից, բարձր ճնշումից ու ականջին տրավմատիկ հարվածից: Նյարդաբանի
մոտ կոնսուլտացիայից հետո իրականացվում են գլխի և պարանոցի դոպլեր, դուպլեքս, ԿՏ, ՄՌՏ
հետազոտություններ: Ըստ ստացված արդյունքների՝ մասնագետները սկսում են պահպանողական
բուժում. պահպանել այն, ինչը հնարավոր է: Իսկ
դա կախված է նրանից թե հիվանդը երբ է դիմել մասնագետին, ասում է ԼՕՌ մասնագետ Արայիկ
Ղարիբյանը, «Եթե լսողության իջեցումը, ականջներում աղմուկը հիվանդի մոտ նոր ի հայտ
եկած խնդիրներ են, ապա դեղորայքային բուժման շնորհիվ կարելի է արդյունք ունենալ, իսկ
եթե խոսքը 5 և ավել ամիսների մասին է, ապա որևէ բուժում օգուտ չի տա»: Դրա համար ԼՕՌ
մասնագետը խորհուրդ է տալիս խնդիրների ի հայտ գալուն պես անմիջապես դիմել համապատասխան
մասնագետի, չսպասել երկար ժամանակ, չհետևել բարեկամ-ծանոթների խորհուրդներին: Դրանից
միայն դուք և ձեր առողջությունն է տուժում, ասում է բժիշկը:
Արայիկ Ղարիբյանի
խոսքով, հատկապես հետքովիդյան շրջանում, տարածված խնդիր է արյան խտացումից հետո ուղեղի
անոթներում թրոմբի առաջացումը, որից սկսվում
է աղմուկ ականջներում: Դրա համար, բժիշկը խորհուրդ
է տալիս տարին գոնե մեկ անգամ այցելել պրոֆիլակտիկ
հետազոտության, իսկ եթե նաև առկա է լսողության իջեցում, ապա հնարավորինս շուտ կատարել
լսողության աուդիոմետրիա, հասկանալ պատճառն ու լուծել խնդիրը:
Հաջորդ ինտենսիվ
համագործակցությունը ԼՕՌ մասնագետներ-թոքաբաններ տանդեմն է: Եթե հիվանդը բժշկական կենտրոն
է դիմում ասթմատիկ խնդիրներով, ապա պարտադիր նրա մոտ առկա է լինում նաև քթի հարակից
խոռոչներում լորձաթաղանթի հաստացում, խեցիների բորբոքում, միջնապատի թեքվածություն,
քրոնիկ հիպերտրոֆիկ ռինիտ, խրոնիկ հայմորիտ, պոլիպոզ հայմորիտ, այսինքն թոքային խրոնիկ հիվանդները որպես կանոն ունենում
են նաև քթային խնդիրներ: Արայիկ Ղարիբյանի խոսքով, այս դեպքում երկուստեք համագործակցությունը
իր արդյունքները տալիս է: Թե ասթման, թե պոլիպոզը աուտոիմունոլոգիական հիվանդություններ են, որոնք և օգնում են իրար, և
խանգարում: Դրանք ալերգիզացիայից առաջացած
հիվանդություններ են: Դրա համար ասթմատիկ խնդիրներով
և պոլիպոզով կենտրոն դիմած հիվանդը մինչև վիրահատությունը թոքաբանի հսկողության տակ
ստանում է համապատասխան բուժում, որպեսզի կարողանա հնարավորինս հեշտ տանել անեսթեզիան, ասում է բժշիկ Ղարիբյանը
«Քթի հարակից խոռոչների վինտիլացիայի կարգավորումը, պոլիպների հեռացումը նպաստում են,
որպեսզի հիվանդի վերին շնչուղիները լավանան: Դրանից հետո թեթևանում է նաև ստորին շնչուղիների
վիճակը: Թոքաբանի հետ համագործակցելով կազմակերպում ենք վիրահատությունը, որովհետև
ծանր բրոնխիտով կամ ասթմայով հիվանդին չես կարող ուղղակի անեսթեզիա տալ, նախ պետք է
բուժել, առողջացնել և երբ պատրաստ լինի՝ նոր վիրահատել»: Արդեն վիրահատությունից հետո
և ԼՕՌ բժշկի, և թոքաբանի կողմից սկսվում են
դեղորայքային բուժումները՝ մինչև խնդիրները հասցվում են նվազագույնի:
Շատ հաճախ է հանդիպում,
երբ ԼՕՌ մասնագետների կողմից հայմորյան խոռոչների մաքրելու ընթացքում ի հայտ են գալիս
խնդիրներ հիվանդի ատամի, թքագեղձերի, ծնոտի հետ կապված, որոնց մասին հիվանդը նույնիսկ
չգիտի: Այս դեպքում քիթ-կոկորդ-ականջաբանները համագործակցում են նաև դիմածնոտային վիրաբույժների
հետ և ինչպես Արայիկ Ղարիբյանն է նշում, նման
դեպքերում համատեղ արված եզրակացությունների շնորհիվ ունենում են լավագույն արդյունքները:
Արթմեդ ԲՎԿ-ում
կարևորը հիվանդի շահն է, նրան առողջացնելը և ժպիտը դեմքին տուն ուղարկելը:
2022-09-12
