«Արամյանց» բժշկական կենտրոնի թերապևտիկ բաժանմունքը կեսդարյա պատմություն ունի
Թերապևտը այն մասնագետն է,
ով առաջինն է զննում հիվանդին և ուղղորդում համապատասխան նեղ պրոֆիլի մասնագետի մոտ:
Հետևաբար, բանիմաց և հիվանդների հետ աշխատելու փորձառություն ունեցող բժշկի հետ այդ ճանապարհը հեշտ ու հարթ է անցնում: Նման փորձառու, վերապատրաստված և իրենց
գործին գիտակ մասնագետներ են հավաքված «Արամյանց» բժշկական կենտրոնի թերապևտիկ բաժանմունքում,
որ արդեն կես դարյա պատմություն ունի: Այստեղ մշտապես աշխատել ու ,,Ներքին հիվանդությունների
դիագնոստիկայի՛՛ ամբիոնում դասավանդել են անվանի ու վաստակաշատ բժիշկներ, որոնք կրթել
են բժիշկների տասնյակ սերունդներ: Այսօր էլ հիվանդանոցը շարունակում է հավատարիմ մնալ
իր ավանդույթներին՝ ստեղծելով բոլոր անհրաժեշտ պայմանները հիվանդների զննման, ախտորոշման
և բուժման համար: Այս կենտրունում յուրաքանչյուր պացիենտին ցուցաբերվում է անհատական
և առավել բարյացակամ մոտեցում:
«Արամյանց» բժշկական կենտրոնի թերապևտիկ
ծառայության ղեկավար, Բժշկական Գիտությունների թեկնածու, դոցենտ Հռիփսիմե Կռնատյանի
հետ զրուցել ենք իրենց բաժանմունքի ծավալած գործունեության մասին:
Այն հիվանդները, որոնք ունենում են անորոշ գանգատներ և ուղղորդված չեն նեղ մասնագետի մոտ, «Արամյանց» բժշկական կենտրոնում նրանց առաջնային զննումն իրականացնում է թերապևտը: Այստեղ ճշգրտորեն որոշվում են անհրաժեշտ հետազոտությունների ծավալը, ըստ անհրաժեշտության ներգրավվում են համապատասխան այլ պրոֆիլի մասնագետներ, որից հետո նշանակվում է արդյունավետ և լիարժեք բուժում: Գործում է բժշկական բարձրակարգ ծառայություն՝ ամբուլատոր մինչև աշխատանքային օրվա ավարտը և ստացիոնար պայմաններում՝ 24-ժամյա հերթապահությամբ: Թերապևտիկ բաժանմունքում կարող են հոսպիտալացվել սիրտ-անոթային, շնչառական, մարսողական համակարգերի ախտահարումներով, թոքային պաթոլոգիաներով, ինչպես նաև էնդոկրին խնդիրներով հիվանդներ, որոնք ունեն նույնիսկ անոթային բարդություններ: Հավատարիմ մնալով իր ավանդույթներին՝ ՛՛ԱՐԱՄՅԱՆՑ՛ ԲԿ ում վիրաբուժական ծառայությունը նույնպես դրված է բարձր հիմքերի վրա: Ցանկացած վիրահատական միջամտություն անցնող հիվանդ զննվում է թերապևտ-սրտաբանի կողմից, ըստ անհրաժեշտության՝ և հետվիրահատական շրջանում, ինչպես նաև՝ հետագայում լինելով համապատասխան մասնագետի հսկողության ներքո: Բոլոր պացիենտներին ցուցաբերվում է պատշաճ մոտեցում: Արամյանցում պացիենտը այս ամբողջ բուժօգնությունը ստանում է լիարժեք և ճիշտ ժամանակին: Կենտրոնը վերազնիվել և շարունակում է վերազինվել նորագույն բժշկական անհրաժեշտ տեխնիկայով:
Կան խրոնիկական այնպիսի պաթոլոգիաներ,
որոնք պահանջում են տարին 1-2 անգամ հիվանդների հոսպիտալացում: Այդ հիվանդություններից
է՝ թոքերի խրոնիկ բստրուկտիվ հիվանդությունն իր բոլոր բարդություններով՝ թոք-սրտային
անբավարարությամբ: «Արամյանց» բժշկական կենտրոնը նման հիվանդների հետ աշխատելու մեծ
փորձ ունի և այստեղ կարող են իրականացնել և թթվածնային բուժում, և ինտենսիվ թերապիա:
Նման դեպքերում թերապևտներից բացի այդ հիվանդներին հսկում են ոչ պակաս փորձառու և իրենց
գործին գիտակ սրտաբանները: Ըստ անհրաժեշտության՝ կարող են հրավիրվել այլ մասնագետներ
ևս՝ վիրաբույժ, նյարդաբան, վնասվածքաբան, ուռոլոգ:
Բժշկուհու խոսքով իրենք ունեն հրաշալի
և պրոֆեսոինալ թիմ, ստեղծված են բոլոր պայմանները մատուցելու բարձրորակ առողջապահական
ծառայություններ։ Կարևորը ճիշտ ժամանակին կենտրոն դիմելն է, մնացածն արդեն բուժ անձնակազմի
գործն է: Մեզ մոտ բժշկի աշխատանքային օրն սկսվում է Մեծն Հիպոկրատի հայտնի խոսքով՝
NOLI NOCERE ` ՄԻ ՎՆԱՍԻՐ:
