ՔԱՂՑԿԵՂԻ ՀԱՄԱԿՑՎԱԾ ՎԻՐԱՀԱՏԱԿԱՆ ԲՈՒԺՈՒՄ
Որովայնի խոռոչի տարբեր օրգանների (ստամոքս, ենթաստամոքսային գեղձ, լյարդ, աղիներ, կերակրափող) ուռուցքները օնկոլոգիայում համարվում են ամենավտանգավորը: Դրանք սովորաբար զարգանում են դանդաղ, երկար ու անախտանիշ ու հայտնաբերվում բավական ուշ փուլերում, երբ քաղցկեղը բացի օջախ օրգանից ախտահարած է լինում նաև այլ օրգաններ ու անհրաժեշտ է լինում կատարել համակցված վիրահատական միջամտություններ: 
Դրանք ծավալուն, բարդ ու ռիսկային միջամտություններ են, որոնց ժամանակ վիրաբույժը մի քանի օրգանների ամբողջական կամ մասնակի հեռացումը պետք է կատարի այնպես, որ հնարավոր լինի պահպանել կամ վերականգնել այդ օրգանների ֆունկցիոնալությունը: «Արթմեդ» ԲՎԿ որովայնային և ընդհանուր վիրաբուժության բաժանմունքում կատարվում են նման բարդագույն վիրահատություններ:
