Վիրուսային հիվանդությունից հետո երեխան սկսել է կաղա՞լ, ինչի՞ մասին է վկայում դա:
Վիրուսային հիվանդությունից հետո երեխան սկսել է կաղա՞լ, ինչի՞ մասին է վկայում դա:


Եթե երեխան 2-3 տարի նորմալ քայլել է, և հանկարծ, վիրուսային հիվանդությունից մի քանի օր կամ մեկ շաբաթ հետո սկսում է կաղալ, ոտքը քարշ տալ, բողոքում է ցավերից աճուկային շրջանում, ապա մեծ հավանականություն կա, որ գործ ունենք կոքսիտի հետ:

Կոքսիտը տարբեր հիվանդությունների երկրորդային արտահայտում է: Հեշտ է շփոթել ռևմատիկ պրոցեսների հետ, բայց իրականում դրանք հետվիրուսային ռեակցիոն արթրիտներ են:

Վիրուսային ինֆեկցիայից հետո երեխայի մոտ առաջանում է կոնքազդրային հոդի բորբոքում, հեղուկ է հավաքվում և երեխաները սկսում են կաղալ:

Մենք սոնոգրաֆիայի միջոցով ոչ միայն ախտորոշում ենք, այլև հսկողության տակ ենք պահում բուժման ամբողջ ընթացքը, ստուգում ենք, թե որքանով են դեղերը օգնում: