Հայմորիտը հայմորյան խոռոչների լորձաթաղանթի բորբոքումն է, որը առաջանում է վիրուսային սուր շնչառական հիվանդությունների, խեցիների մեծացման, միջնապատի ծռվածության, ալերգիկ ռինիտների կամ պոլիպոզների պատճառով, երբ փակվում է հայմորյան խոռոչների արտահոսքը, արտադրությունը կուտակվում է խոռոչներում, վերածվում թարախի, առաջացնում բորբոքում։
Հայմորիտը ուղեկցվում է մշտական գլխացավով ու հոտի և համի զգացողության բացակայությամբ։ Հետաձգել բուժումը չի կարելի ոչ
միայն, որովհետև այն տհաճություն է պատճառում առօրյայում, այլև որ կարող է բորբոքել հարակից օրգանները՝ աչքեր, ականջներ, առաջացնել մինինգիտ։
Հայմորիտի բուժումը կատարվում է էնդոսկոպիկ միջամտությամբ, վերացվում են օդակրության խոչընդոտները (միջնապատի ուղղում կամ խեցիների այրում ու կրճատում), թարախը մաքրվում է յամիկ-կաթետրով կամ լվացումներով և նշանակվում է դեղորայքային բուժում։
