ՄԻՆԻ ՍՏԱՄՈՔՍԱՅԻՆ ՇՈՒՆՏԱՎՈՐՈՒՄ. ավելի նոր և ժամանակակից բարիատրիկ վիրահատություն
Մինի շունտավորումը համեմատաբար ավելի նոր և ժամանակակից բարիատրիկ վիրահատություն է։ Այս վիրահատությունը իր մեջ համակցում է ստամոքսի երկայնակի մասնահատման և ստամոքսի դասական շունտավորաման առավելությունները։
• ծավալային առումով սահմանափակող և
• հիպաբսորբցիոն՝ ընդունված արդեն իսկ ոչ մեծ ծավալի սննդի մարսումը և ներծծումը սահմանափակող բաղադրիչներ։
Վիրահատության միջոցով մի կողմից ձևավորվում է նեղ, երկար, խողովակաձև մինիստամոքս ինչը անջատվում է հիմնական ստամոքսից առանց վերջինս հեռացնելու, իսկ մյուս կողմից մարսողությունից անջատվում, շունտավորվում է հիմնական ստամոքսը, տասներկումատնյա աղին և աղիճ աղու սկզբնահատվածը՝ 180-300 սմ, որտեղ շատ ակտիվ ներծծվում են ածխաջրերը և ճարպերը։
Փաստեր վիրահատության մասին՝
Վիրահատությունը կատարվոում է լապարասկոպիկ եղանակովԱնզգայացման տեսակը ՝ ընդհանուր անզգայացումՏևողությունը 1-2,5 ժամՀիվանդանոցում անցկացվող ժամանակահատվածը` միջինը 2-3 օր։Հետվիրահատական հանգստի ժամանակահատվածը սովորաբար 2 շաբաթՍպասվող զանգվածի կորուստը` 18-24 ամիսների ընթացքում մոտ 80 % ավելորդ զանգվածից։Առավելությունները՝
Հնարավորություն է տալիս կորցնել նույնքան և անգամ ավելի շատ քաշ, որքան դասական շունտավորման ժամանակ,Ապահովում է առավել արտահայտված մետաբոլիկ ազդեցություն և դիաբետի կարգավորում դեպքերի գերակշիռ մեծամասնությունում, Ունի բարդությունների ցածր ռիսկ։Կորցրած զանգվածի վերադարձի հավանականությունը մինիմալ է։
Հնարավոր է վիտամինների և միկրոէլեմենտների անբավարար յուրացում (D, B12, Fe, Ca և այլն), կարող է առաջացնել դեմպինգ սինդրոմ և պահանջում է վիտամինների և միկրոէլեմենտների ամենօրյա ընդունում։ Դարձելիությունը՝ դարձելի է։ Ի տարբերություն ստամոքսի երկայնակի մասնահատման ստամոքսից որևէ հատված չի հեռացվում և անհրաժեշտության դեպքում կարող է կրկին վերականգնվել ստամոքսաղիքային տրակտի ամբողջականությունը։Ճարպակալման/մետաբոլիկ խանգարումների վիրահատական բուժման հետ կապված հարցերի, խորհրդատվության և վիրահատական բուժման համար կարող եք դիմել Ընդհանուր և լապարասկոպիկ, բարիատրիկ վիրաբույժ, կոլոպրոկտոլոգ, ուռուցքաբան, Սլավմեդ ԲԿ–ի էնդոսկոպիկ ծառայության ղեկավար Լևոն Նիկիտայի Գրիգորյանին:
