Քթի խոռոչում կեղևներ առաջանում են քթի լորձաթաղանթի դիստրոֆիկ փոփոխությունների արդյունքում:
Ավելի հաճախ այն հանդիպում է չոր, տաք կլիմայական պայմաններում ապրող երեխաների մոտ:
Նշանակություն ունի նաև տարած ինֆեկցիոն հիվանդությունները և քթի խոռոչում տարած վիրահատական միջամտությունները:
Երեխաները սովորաբար դժգոհում են քթում չորության զգացումից, կեղրների առաջացումից և գլխացավերից:
Քթի խոռոչում քորը ստիպում է երեխաներին մատով հեռացնել կեղևները, որը իր հերթին կարող է բերել քթային արյունահոսությունների:
Կեղևների հեռացումը հեշտացնելու համար հարկավոր է կաթեցննել A և D վիտամիններով ձիթապտղի յուղ: Կարելի է նաև քթի լորձաթաղանթին քսել 1% յոդ գլիցերինի լուծույթ:
Կեղևների փափկեցմանը նպաստում են նաև հիմնային յուղերով ինհալացիաները:
«Արթմեդ» ԲՎԿ փոխտնօրեն, ԼՕՌ հիվանդությունների ծառայության ղեկավար՝ Արայիկ Դավիթբեկի Ղարիբյան
