ԾԱՆՐԱԼՍՈՒԹՅԱՆ ԲՈԻԺՄԱՆ ԻՆՉ ՏԱՐԲԵՐԱԿՆԵՐ ԿԱՆ
Академия Слуха Армения/ Լսողության ակադեմիա
Կոնդուկտիվ ծանրալսությունն առաջանում է արտաքին ականջի և միջին ականջի խնդիր երի պատճառով։ Այս դեպքում կատարում ենք կոնսերվատիվ բուժում, խցանի կամ օտար մարմնի հեռացում ըստ անհրաժեշտության։ Ժամանակին դիմելու դեպքում խնդիրը վիրահատության չի հասնում։
Սենսոնեվրալ ծանրալսության ժամանակ առաջանում է լսողության խնդիր ականջի խխունջում, վնասված են լսողական բջիջները և ռեկոխլեար նյարդը։ Մինչև 3֊րդ աստիճան ծանրալսությունը վերականգնում ենք մեր կենտրոնի գերժամանակակից լսողական սարքերի միջոցով, զուգահեռ նաև երեխայի աշխատում է նաև սուրդոմանկավարժը խոսակցական ֆունկցիան շտկելու համար։ Իսկ 3֊րդ աստիճանից բարձր ծանրալսության դեպքում հաճախ արդեն կոխլեար իմպլանտացիայի դիմելու կարիք է լինում։ Կոխլեար իմպլանտացիայի ծրագրի ղեկավար պրոֆ Արթուր Շուքուրյանի գլխավորությամբ և հատուկ վերապատրաստումներ անցած թիմի մասնակցությամբ իրականցնում ենք կոխլեար իմպլանտացիայի վիրահատություններն ու կազմակերպվում է հետվիրահատական հսկողությունը։Ուզում եմ ծնողներին հորդորել այս միջամտության համար դիմել առավելագույնս շուտ։ Եթե բալիկը խնդիր ունի, ապա ճիշտ կլինի իմպլանտացիան կատարել մինչև երեխայի 3 տարեկանը լրանալը, որպեսզի լսողախոսակցական ֆունկցիան ճիշտ զարգանա, երեխան իրեն լիարժեք զգա։
Հանդիպում է նաև ծանրալսության համակցված ձևը, երբ առկա է և կոնդուկտիվ և սենսոնևրալ ձևը, այս դեպքում բուժումը փուլային է` կախված ծանրալսության աստիճանից ու խնդրի բարդությունից։Ամենակարևորն է դիմել ժամանակին, որպեսզի կարողանանք ժամանակին կանգնեցնել ծանրալսության խորացումն ու առաջարկենք բուժում, որն ամենաարդյունավետը կլինի պացիենտի համար։
