Դիաբետիկ ոտնաթաթի համախտանիշը շաքարային դիաբետի հաճախ հանդիպող բարդություններից մեկն է:
Այս համախտանիշի դեպքում ոտնաթաթին առաջանաում են մեռուկացման օջախներ և վերքեր, որոնք դժվար են ապաքինվում և երբեմն բերում են վերջույթի կորստի:
Օրգանիզմում գլյուկոզայի չկարգավորված փոխանակության հետևանքով սկսվում են վնասվել ստորին վերջույթների մանր ու մեծ անոթները , նյարդերը , ոսկրահոդային համակարգը։
Համախտանիշին բնորոշ են ոտնաթաթի երկարատև չլավացող վերքերը, ոտնաթաթի մանր հոդերի շարժումների սահմանափակումները, ցավը, նեկրոտիկ փոփոխությունները:
Ախտորոշման համար անհրաժեշտ են մանրակրկիտ լաբորատոր և գործիքային հետազոտություններ:
Ժամանակին դրված գրագետ ախտորոշման ու կատարված բուժման շնորհիվ կարող ենք պահպանել վերջույթի կենսունակությունը և հասնել ցանկալի արդյունքին:
