ՊԵՏՔ ՉԷ ՀԵՏԱՁԳԵԼ ԱԴԵՆՈԻԴՆԵՐԻ ՎԻՐԱՀԱՏՈՒԹՅՈՒՆԸ՝ ՍՊԱՍԵԼՈՎ ԴՐԱՆՑ ՀՆԱՐԱՎՈՐ ՀԵՏԱՃԻՆ
Ադոնոիդների գերաճը կարող է առաջացնել քթային դժվարաշնրություն, իսկ քթով չշնչելը առաջացնում է մի շարք բարդություններ:
Սկսում է փոփոխության ենթարկվել երեխայի դիմային կմախքը, այտերի հատվածում «փոսիկ» (ներհրում, ձևախախտում) է առաջանում, կարծր քիմքը բարձրանում է վերև, սկսում են դեֆորմացվել ատամները:
Երեխայի մոտ կարող է առաջանալ նաև թթվածնաքաղց, որը մեծ խնդիր է հատկապես աճող օրգանիզմի համար:
Իհարկե նախ փորձում ենք իրականացնել դեղորայքային բուժում, անհրաժեշտության դեպքում նաև լազերային թերապիա, բայց եթե արդյունքը գոհացուցիչ չի լինում, ապա բարդություններից խուսափելու նպատակով պետք է կատարել վիրահատական միջամտություն, հատկապես, երբ կան ժամանանակից քիչ ինվազիվ մեթոդներ։
