Հաստ աղիքի քաղցկեղի գանգատներն են.
Ստամոքսաղիքային տրակտի, մարսողության ֆունկցիոնալ խանգարումներ, դիսֆունկցիա (ախորժակի անկում, բացակայություն),
առատ գազարձակում (մեթեսրիզմ),
փորլուծություն, քրոնիկ փորկապություն,
վքնածություն,
սրտխառնոց
Ցավեր որովայնում (բութ, նվվացող, սուր-կտրող, ծակող)
Մաշկի գունատություն, անեմիա
Քաշի չպատճառաբանված կորուստ
Ընդհանուր թուլություն
Անհայտ ծագման բարձր ջերմություն
Կղանքում արյան, լորձի առկայություն և այլն։
Հիվանդությունից վերջնականապես բուժվելու առաջին քայլը վիրահատականն է։
Հիվանդի ընդհանուր վիճակից, հիվանդության տարածվածության աստիճանից, տարիքից և հիվանդի տրամադրվածությունից կախված կիրառվում է նաև քիմիաթերապիա (դեղորայքային սխեմատիկ կուրսային բուժում), իմունոթերապիա, ճառագայթային բուժում։
Հաստ
աղիքի չարորակ ուռուցքները գրեթե ինտակտ են ճառագայթային բուժմանը։
Վիրահատական եղանակով աղիքի ուռուցքի արմատական հեռացումը հիվանդությունից փրկվելու միակ գրավականն է:
Կախված ուռուցքային օջախի տեղակայումից իրականացվում են տարբեր ծավալի միջամտություններ (աջ-ձախակողմյան հեմիկոլէքտամիա, սիգմայի մասնահատում և այլն):
Ուրգենտ դեպքերում, երբ վիրահատությունը կատարվում է շտապ ցուցումներով (աղիքային սուր անանցանելիություն, աղիքի ուռուցքային թափածակում (պերֆորացիա), պերիտոնիտ) մեծ հավանականությամբ վիրահատությունը ավարտվում է ժամանակավոր արհեստական հետանցքի ձևավորմամբ (կոլոստոմա, էնտերոստոմա), որը ամիսներ անց վերացվում է ռեկոնստրուկտիվ վերականգնողական միջամտությամբ։
Ժամանակին, վաղ փուլում հիվանդության ախտորոշումը և ուռուցքաբանական ժամանակակից մասնագիտական, անհատականացված որակյալ բուժումը մեծ շանս է չարորակ հիվանդությունից բուժվելու համար։
