Երակների վարիկոզ լայնացումը հաճախ հանդիպող պաթոլոգիական պրոցես է, որի ժամանակ ախտահարվում են երակները, առաջանում են վարիկոզ «հանգույցներ»: Ավելի հաճախ հանդիպում են ստորին վերջույթների վարիկոզ լայնացումները, որոնց դեպքում ի հայտ է գալիս ստորին վերջույթներում ծանրության զգացում, մաշկի տակից երակներն են դուրս ցցվում, ձևավորվում են մազանոթային ցանցեր: Այսօր արդեն նման խնդիրներն ունեն բուժման ժամանակակից մեթոդներ: Երակների վարիկոզ լայնացումը ինքնուրույն երբեք չի բուժվի: Մեկնաբանում է Վլ. Ավագյանի անվ. բժշկական կենտրոնի Լազերային և անոթային վիրաբուժության բաժանմունքի ղեկավար վիրաբույժ Տիգրան Քամալյանը:
-Ի՞նչն է պատճառը, որ անոթային հիվանդություններն ավելանում են:
-Բժշկության մեջ կա մի տերմին՝ գիտատեխնիկական առաջընթաց: Եվ գրեթե բոլոր հիվանդությունների առաջացման պատճառը կարելի է գտնել այդ գիտատեխնիկական առաջընթացի մեջ: Բացի այդ, մեր ազգը տեսավ պատերազմ, երկրաշարժ, սթրեսներ, որոնք նպաստում են սիրտ-անոթային հիվանդությունների ավելացմանը: Իսկ կոնկրետ երակային հիվանդությունների առումով մեծ դեր ունի գենետիկ կոդը: Որպես հինավուրց ազգ՝ մեր գեները, այսպես ասած, «ծերացել են», բնականաբար, քանակապես ավելանում են գենետիկական նախատրամադրվածություն ունեցող հիվանդությունները, այդ թվում և՝ վարիկոզ հիվանդությունը:
-Իսկ որո՞նք են վարիկոզ հիվանդության գանգատները:
-Վարիկոզ հիվանդությունն արտահայտվում է շուտ հոգնածությամբ, ոտքերի շրջանում ծանրության զգացումով, այտուցներով, գիշերային մկանային կծկումներով, արտաքինից պարզորոշ երևացող լայնացած երակներով, սկսած մանր մազանոթներից մինչև հսկայական չափերի հասնող վարիկոզ հանգույցները, ավելի ուշ ստադիաներում մաշկի գույնի և որակի փոփոխությամբ, նաև տրոֆիկ խոցերով:
-Հաճախ մազանոթները պայթում են և առաջ են բերում ցավի ու տհաճության զգացում, դա վարիկոզ հիվանդության ախտանի՞շ է:
-Մազանոթների առատությունը արդեն երակային անբավարարությունն է փաստում: Դա կարող է ունենալ տարբեր աստիճաններ: Մազանոթների մեծ քանակությունը երակային անբավարարության առաջին աստիճանն է: Դրանք կարող են զարգանալ մինչև վեցերորդ աստիճան, երբ ի հայտ են գալիս տրոֆիկ խոցեր:
-Բարձրակրունկ կոշիկները կարո՞ղ են նպաստել երակային հիվանդությունների առաջացմանը:
-Ոչ միայն բարձրակրունկները, այլև լրիվ տափակ կոշիկները ևս նպաստում են դրան: Վերջիններս ստեղծում են արհեստական հարթաթաթություն: Ցանկալի է կրել մինչև 5 սմ բարձրությամբ և հարմարավետ կրունկով կոշիկներ: Կարևոր է ոտքը ձգող հագուստ չկրել, պետք է խուսափել ոտքը ոտքին գցելուց: Դրանք մակերեսային անոթները սեղմում են, և արհեստականորեն առաջ է գալիս երակային արյան ճնշման բարձրացում: Պետք է խուսափել փորկապությունից, ավելորդ քաշից, երկար ժամանակ ոտքի վրա անշարժ կանգնելուց, շատ տաք ջրով լողանալուց: Պետք է զբաղվել սպորտով՝ լողով, հեծանվասպորտով և այլն:
-Կանանց մոտ հատկապես հղիությունից և ծննդաբերությունից հետո են ի հայտ գալիս արտահայտված երակներ: Ո՞րը պետք է լինի կնոջ առաջին քայլը խնդիրը հայտնաբերելուց հետո:
-Հղիությունն ու ծննդաբերությունը պարզապես նպաստող պայմաններ են: Դրանք վարիկոզ հիվանդության պատճառ չեն կարող լինել: Գենետիկորեն երակների թույլ պատեր ունեցող կանանց մոտ են դրանք ի հայտ գալիս, երբ հղիության ընթացքում գումարվում են մի քանի նպաստող գործոններ. արգանդի ծանրությունը, որը սեղմում է կոնքերի երակներին, հորմոնալ ֆոնի, ծանրության կենտրոնի, հագուստի փոփոխությունը: Այս ամենից խուսափելու համար հղիները պետք է կիրառեն կանխարգելիչ միջոցառումներ: Պետք է հետևել մի քանի խորհուրդների. կրել էլաստիկ տրիկոտաժ, կատարել որոշակի վարժություններ, հսկողության տակ պահել արյան մակարդելիությունը:
-Ո՞րն է ձեր առաջին քայլը, երբ հիվանդի մոտ ի հայտ են գալիս վարիկոզի նախանշաններ:
-Բուժման կամ կանխարգելման տեսակները կախված են նրանից, թե հիվանդության որ փուլում է հիվանդը դիմում մեզ: Եթե նախնական փուլում է հիվանդությունը, պարզապես խորհուրդներով ենք փորձում օգնել: Եթե խորհուրդներով կամ միայն դեղորայքով օգնել հնարավոր չէ, փորձում ենք առաջարկել ավելի ակտիվ միջոցներ՝ լազերային թերապիա մազանոթային ցանցը վերացնելու համար, սկլերոթերապիա՝ միջին տրամագծի անոթները վերացնելու համար, և վիրահատություն, երբ վնասված են հիմնական ցողունները: Վիրահատությունն իրականացվում է ժամանակակից լազերային սարքավորումներով:
-Թույլատրելի՞ է ինքնաբուժումը, հիվանդը կարո՞ղ է որևէ քսուք վերցնել դեղատնից և օգտագործել:
-Մեր ժողովուրդը շատ է սիրում զբաղվել ինքնաբուժությամբ: Դրան նպաստում են նաև դեղատների աշխատակիցներն իրենց խորհուրդներով: Բայց դա ցանկալի չէ, որովհետև կարելի է շփոթել պայթած մազանոթը և տրոմբոֆլեբիտը: Եթե դա իսկապես մազանոթի խնդիր է, ապա կարելի է մեկ քսուքով բուժել, բայց եթե պարզվի, որ դա տրոմբոֆլեբիտ է, ապա ինքնաբուժումը դառնում է վտանգավոր, և շտապ անհրաժեշտ է մասնագիտական զննում:
2018-05-21
Աստղիկ Բժշկական կենտրոնում իրականացվել է ցուկերկանդլի ուռուցքի բացառիկ վիրահատություն կենտրոնի Էնդոկրին վիրաբուժության ծառայության ղեկավար Արմեն Վարժապետյանի կողմից:Ֆեոքրոմոցիտոման հանդիսանում է հորմոնակտիվ ուռուցք, որը բնութագրվում է չափազանց մեծ քանակությամբ ադրենալինի և նոր ադրենալինի արտադրությամբ, ուղեկցվում է արտահայտված և դեղորայքային բուժման չենթարկվող բարձր զարկերակային ճնշումով, նյարդային համակարգի, աղե-ստամոքսային ուղու, էնդոկրին և արյան համակարգերի տարբեր խանգարումներով:Այս ուռուցքները հիմնականում(85%) զարգանում են մակերիկամներում, սակայն քիչ չեն նաև արտաերիկամային տեղակայումները, որոնցից թե բուժման, թե ախտորոշման տեսակետից առավել բարդ են այսպես կոչված՝ Ցուկերկանդլի ուռուցքները: Վերջիններս ունեն արտաորովայնամզային տեղակայություն, ուղեկցում են, կիպ հպվում են, երբեմն էլ ներ են աճում աորտային և ստորին սիներակին: Այս ուռուցքի հեռացումը կրում է վտանգներ ոչ միայն վիրահատության տեխնիկական բարդությունների, այլև վիրահատության ժամանակ և վիրահատությունից հետո զարկերակային ճնշման կտրուկ տատանումների հետևանքով՝ հնարավոր մահացու ելքի պատճառով: Կլինիկական դեպք Հիվանդը /62տ./ դիմել է «Աստղիկ» ԲԿ՝ գանգատվելով բարձր զարկերակային ճնշումից(220/120-սահմաններում), որը վերջին 6 տարիների ընթացքում ընդհանրապես չի ենթարկվել դեղորայքային բուժման: Հիվանդի մոտ նաև առկա էր շաքարային դիաբետ, և միայն ինսուլինի բարձր չափաբաժինների ներարկումները հնարավորություն էին տալիս կարգավորել գլյուկոզայի մակարդակն արյան մեջ: Բժշկական կենտրոնում կատարված կոնտրաստային ԿՏ-անգիոգրաֆիան հայտնաբերեց վերը նկարագրված Ցուկերկանդլի ուռուցքը: Վերջինիս ախտորոշումը հաստատվեց համապատասխան հորմոնային անալիզներով: Փոխանցում է Աստղիկ ԲԿ-ի կայքը: Համապատասխան մասնագիտացված նախավիրահատական պատրաստումից հետո կատարվել է ուռուցքի հեռացում՝ լապարոտոմիկ եղանակով Էնդոկրին վիրաբուժության ծառայության ղեկավար Արմեն Վարժապետյանի կողմից: Հետվիրահատական շրջանում զարկերակային ճնշումը և գլյուկոզայի մակարդակն արյան մեջ նորմալացել են համապատասխանորեն՝ առանց հակաճնշումային դեղամիջոցների և ինսուլինի:
Սիրով տեղեկացնում ենք, որ 2025 թվականի հոկտեմբերի 20-ից 24-ը Գերմանիայի Դաշնության լավագույն բարիատրիկ վիրաբույժ, Գերմանիայի Դաշնային Ազգային Ճարպակալման Գերազանցության Կենտրոնի գլխավոր մասնագետ և տնօրեն, Ֆրանկֆուրտի Համալսարանական Հիվանդանոցի վիրաբուժական ծառայոության ղեկավար պրոֆեսոր Պլամեն Ստայկովը «Աջափնյակ» Բժշկական Կենտրոնի տնօրինի հրավերքով առաջին անգամ կայցելի Երեվան, որտեղ Կենտրոնի հմուտ բարիատրիկ վիրաբուժական թիմի հետ համատեղ կկատարի մի շարք տարատեսակ բարիատրիկ վիրահատություններ։ Պրոֆեսոր Ստայկովի մասին առավել մանրամասն տեղեկատվությունը կարող եք ստանալ այս հղում։ www.prof-staikov.com 25 տարվա բարիատրիկ վիրահատությունների փորձ ունեցող պրոֆեսոր Ստայկովը տարեկան կատարում է 1000 ից ավել բարիատրիկ վիրահատություններ, եվ համարվում է ճարպակալման դեմ ուղղված վիրահատություններ կատարող բացառիկ փորձ ունեցող Եվրոպայում, որի կարծիքին հաշվի են նստում մոլորակի առաջատար Կենտրոնները։ Նա հանդիսանում է բազմաթիվ նորարությունների և գյուտերի հեղինակ, նոր միջամտական եղանակների հեղինակ, բազմաթիվ միջազգային մրցանակների դափնեկիր, նրան դիմում են նույնիկս այն բարդ դեպքերում, երբ այլ բարիատրիկ վիրաբույժներ դժվարանում են կատարել վիրահատություններ, նա հանդիսանում է ոլորտի միջազգային բացառիկ էքսպերտը։
Արթմեդ ԲՎԿ Ուրոլոգիական բաժանմունքը ակտիվորեն զբաղվում է տղամարդկանց միզասեռական օրգանների վիրաբուժական հիվանդությունների և կանանց միզային օրգանների և ուղիների հիվանդությունների արդյունավետ բուժմամբ։Այս բոլոր գանգատներից հատկապես հատուկ ուշադրության է արժանի արյունամիզությունը, որի հիմնական սկզբնաղբյուրը նորագոյացություններն են միզուղիների տարբեր հատվածներում, հետևաբար չի կարելի հետաձգել բժշկին դիմելը։ Տղամարդկանց պարագայում ուրոլոգին դիմելու անհրաժեշտություն կա, երբ առկա են հատկապես հայտնի է միզասեռական օրգանների գոյացությունների և վերականգնողական միջամտություններ պահանջող խնդիրների բուժմամբ։ Մինչև հիմա մեր բաժանմունքում կատարվում էր բաց վիրահատություններ, բայց վերջին կես տարվա ընթացքում առավել ակտիվ ներդրել ենք լապարասկոպիկ վիրաբուժությունը, որը հնարավորոթյուն է տալիս կատարել արդյունավետ վիրահատություններ քիչ տրավմատիկ եղանակով, կարճացնել հետվիրահատական շրջանը, իջեցնել հետվիրահատական բարդությունների քանակը, կանխատեսելի դարձնել արդյունքները, չունենալ արյան կորուստ։ Լապարասկոպիկ վիրահատությունները կիրառում են երիկամների, վերին միզուղիների, շագանակագեղձի և միզապարկի ուոուցքների, ինչպես նաև տարբեր վերականգողական միջամտություններ պահանջող իրավիճակների դեպքում։ Լապարասկոպիկ ժամանանակից միջամտությունները ներդնելու մեր նպատակն է ստեղծել Հայաստանում ուրոլոգիական վիրահատությունների իրականացման այն որակը, որն առկա է առաջատար երկրներոմ և հասնել նրան, որ որպեսզի ուորոլոգիական միջամտություննների կարիք ունեցող պացիենտները մի քանի անգամ ավելի մատչելի գներով Հայաստանում ստանան նույն արդյունքները, ինչը որ ստանում են արտերկրում։ Այս բաժանմունքում օնկոուրոլոգիական հիվանդություններով դիմող պացիենտները ստանում են բարձրակարգ բժշկական օգնություն, երկարացնում կյանքի տևողությունը, ձգալիորեն բարելավում կյանքի որակը «Արթմեդ» ԲՎԿ ուրոլոգիական բաժանմունքումը հայտնի է նաև միզասեռական օրգանների տարբեր պաթոլոգիաների ժամանակ պահանջվող բացառիկ ռեկոնստրուկտիվ պլաստիկ միջամտություններով, այդ թվում ուրետրոպլաստիկա և միզապարկ-հեշտոցային,միզածորան-հեշտոցային խուղակների պլաստիկա այտի լորձաթաղանթի հյուսվածքներով: Դրանք ժամանակակից ու բարդ միջամտություններ են, որոնք պահանջում են կատարողական բարձր տեխնիկա ու վիրաբուժական հմտություն, որը լիարժեք առկա «Արթմեդի» ուրոլոգիական բաժանմունքում:
Աճուկային ճողվածք առաջանում է, երբ որեւէ օրգան մտնում է ճողվածքի մեջ, սեղմվում է եւ չի սնուցվում:Տղաների մոտ հիմանականում օղակվում են բարակ աղիքի գալարները, աղջիկների մոտ արգանդափողը՝ ձվարանի հետ: Դա կարող է պատահել ներորովայնային ճնշման ցանկացած դեպքում ՝ բարձր ճչոց, փորկապություն, հազ և այլն:Վիրահատությունը ուշացնել պետք չէ, հակառակ դեպքում անհրաժեշտություն է առաջանում հեռացնել օղակված օրգանը կամ տվյալ հատվածը:Արաբկիր բժշկական կենտրոնի Ուրո-վիրաբուժական բաժանմունքում աճուկային ճողվածքի վիրահատության տևողությունը չի գերազանցում 15 -20 րոպեն, սակայն բարդացումների դեպքում վիրահատությունը լինում է երկու- երեք ժամ: Ալբերտ Լալազարյան
Եթե ձեր ականջը ցավում է լողավազանից կամ ծովում լողալուց հետո, ապա այդ ցավը պետք չէ անտեսել։ Ամենայն հավանականությամբ, ջուրն ականջից ներս է թափանցել և բորբոքային պրոցես առաջացրել։ Երեխաների մոտ խնդիրն ավելի հաճախ է առաջանում, քանի նրանց լսողական անցուղիները պատող մաշկը բարակ են և խոցելի վարակների նկատմամբ: Եթե ականջի մեջ ջուր է անցնում, այն նոսրացնում է ծծումբը և տեղի է ունենում դրա ուռչում։ Սա բարենպաստ պայմաններ է ստեղծում ներս ներթափանցած վարակի ակտիվորեն զարգացման համար և հրահրում է բորբոքային պրոցեսներ։ Այս դեպքում մարդուն միաժամանակ անհանգստացնում է ականջի ցավը, խցանվածությունը և ուժեղ քորը։ Այս բոլոր ախտանիշները վկայում են միջին ականջի բորբոքման մասին: Այն կարող է լինել արտաքին, որը հաճախ կոչվում է «լողորդի ականջ», կամ միջին՝ երբ մրսածության պարագայում քթից կամ կոկորդից վարակը անցնում է միջին ականջ։ Ինչպե՞ս դուրս բերել ջուրն ականջից Գլուխը թեքեք դեպի ուսը և նրբորեն քաշեք ձեր ականջի բլթակը Չորացրեք ականջը սրբիչով։ Կարևոր. մի փորձեք չորացնել ականջը բամբակյա փայտիկներով կամ լուցկիներով, որոնք փաթաթված են բամբակով: Այսպիսով, դուք միայն կվատացնեք այն՝ ուռած ծծումբը ներս կմղեք, կվնասեք լսողական անցուղիները։Եթե չի ստացվում հեռացնել ջուրը, անհրաժեշտ է դիմել ԼՕՌ բժշկի:Քիթ-կոկորդ-ականջաբան, բ․գ․թ․, դոցենտ Արմեն Վլադիմիրի Հայրապետյան
