Հեղուկ հիմքով «ՊԱՊ» քսուքի հետազոտություն միայն «Պրոմ-Տեստում»
Աշխարհում տարեկան 5000 կին մահանում է արգանդի վզիկի քաղցկեղից։ Հիվանդությունն իր տարածվածությամբ չարորակ նորագոյացությունների շարքում գրավում է երկրորդ տեղը։ Արգանդի վզիկի քաղցկեղը վաղ շրջանում հնարավոր է բուժել, մինչդեռ ուշ հայտնաբերման դեպքում հետևանքներն անդառնալի են: Հայաստանում ախտորոշման ոլորտում առաջատար «Պրոմ-Տեստ» լաբորատորիան անցկացնում է նոր և տարբերվող՝ հեղուկ հիմքով «ՊԱՊ» քսուքի հետազոտություն, որը հնարավորություն է տալիս արգանդի վզիկի լորձաթաղանթի բջիջներում փոփոխություններ հայտնաբերել դեռևս նախնական, նախաքաղցկեղային փուլում` մինչև դրանց քաղցկեղի վերածվելը: Ավանդականի համեմատ այն ավելի արդյունավետ է. մի քանի անգամ նվազեցնում է կեղծ բացասական պատասխանների քանակը՝ ապահովելով առավել ճշգրիտ ցուցանիշ:
«ՊԱՊ» թեսթ. արգանդի վզիկի քաղցկեղի դեմ պայքարելու լավագույն միջոցը
Հայաստանում արգանդի վզիկի քաղցկեղը կանանց քաղցկեղային հիվանդությունների շարքում գրավում է երկրորդ տեղը: Դեպքերի 60%-ից ավելին հայտնաբերվում է հիվանդության զարգացման ուշ փուլերում: Մինչդեռ, այն կարելի է կանխելի ժամանակին՝ կանոնավոր կերպով հետազոտվելու միջոցով: Այդ հետազոտությունը, որը կոչվում է «ՊԱՊ» թեսթ, հնարավորություն է տալիս արգանդի վզիկի լորձաթաղանթի բջիջներում փոփոխություններ հայտնաբերել դեռևս նախնական, նախաքաղցկեղային փուլում` մինչև դրանց քաղցկեղի վերածվելը։
Լինում են դեպքեր, որ կանայք չեն էլ կասկածում, որ իրենց մոտ նախաքաղցկեղային վիճակ է կամ անգամ արգանդի վզիկի քաղցկեղ է զարգանում, քանի որ սկզբնական շրջանում ախտանշաններ չեն լինում: Ուստի անկախ գանգատներից, ցանկացած կին պետք է իմանա՝ ինչպես կանխարգելել այս հիվանդությունը։ Որպես կանոն, «ՊԱՊ» քսուք հանձնում են 21-ից 65 տարեկան բոլոր կանայք, որոնք ապրում են սեռական կյանքով, քանի որ արգանդի վզիկի քաղցկեղի առաջացման գլխավոր պատճառներից մեկը պապիլոմա վիրուսն է: Կյանքում նույնիսկ մեկ անգամ «ՊԱՊ» քսուքի հետազոտության իրականացմամբ կարելի է նվազեցնել արգանդի վզիկի քաղցկեղի առաջացման հավանականությունը 35%-ով, իսկ յուրաքանչյուր 3 տարին մեկ անգամ հետազոտվելով` 80%-ով: Հետազոտությունն անցկացվում է բոլոր լաբորատորիաներում, տեղամասային պոլիկլինիկաներում և ամբուլատորիաներում:
Մի քանի անգամ ավելի արդյունավետ հեղուկ հիմքով բջջաբանություն
Հայաստանում առաջինը «Պրոմ-Տեստ» լաբորատորիան իրականացնում է նոր և տարբերվող՝ հեղուկ հիմքով «ՊԱՊ» քսուքի հետազոտություն: Այն մի քանի անգամ ավելի արդյունավետ է: Ի տարբերություն ավանդական մեթոդով իրականացվող «ՊԱՊ» թեսթի, որի սխալվելու հավանականությունը 20-40 % է, հեղուկ հիմքով բջջաբանությունը մի քանի անգամ նվազեցնում է կեղծ բացասական պատասխանների քանակը՝ ապահովելով առավել ճշգրիտ ցուցանիշ: Հետազոտությունը միանգամայն անցավ է։ Բժիշկը հատուկ խոզանակի միջոցով արգանդի վզիկից բջիջներ է վերցնում և դրանք տեղադրում հատուկ հեղուկի մեջ: Հեղուկ հիմքով բջջաբանության սկզբունքն այն է, որ հետազոտության ընթացքում բջիջները հնարավոր է տեսնել միաշերտ: Այս դեպքում մորֆոլոգիական փոփոխություններն ավելի հեշտ են երևում: Հեղուկ հիմքով «ՊԱՊ» թեսթի պատասխանը հնարավոր է ստանալ 2-3 օրվա ընթացքում:
Ի դեպ, «Պրոմ-Տեստը» հոգացել է պացիենտների համարավետության մասին՝ ստեղծել էլեկտրոնային շտեմարան, որը հնարավորություն է տալիս համացանցի միջոցով տիրապետել սեփական առողջության վերաբերյալ բժշկական ինֆորմացիային: Նաև լաբորատորիայի պաշտոնական կայքի «Վերլուծի՛ր ինքդ բաժնում» պացիենտը կարող է տեսնել իր բոլոր հետազոտությունների գրաֆիկական պատկերը: «Պրոմ-Տեստ»-ի տվյալների բազան լավագույն լուծումն է հատկապես մարզերի բնակիչների համար: Հետազոտությունը հանձնելուց հետո նրանք ստիպված չեն կրկին հասնել Երևան, պատասխանը կարող են իմանալ համացանցի միջոցով՝ promtest.am կայքում:
«Պրոմ-Տեստ»՝ առաջատար ախտորոշման ոլորտում
Ընդունված է համարել, որ բուժման ռազմավարության ընտրությունը 70%-ով պայմանավորված է ախտորոշմամբ : «Պրոմ-Տեստ» լաբորատորիան համարվում է առաջատար ախտորոշման ոլորտում, որը կիրառում է ժամանակակից բժշկության նորարարական մեթոդները: Այստեղ իրականացվում են 260-ից ավելի հետազոտություններ՝ մանրէաբանական, կենսաքիմիական, իմունոլոգիական, գենետիկական: «Պրոմ-Տեստ» -ն առաջինն էր, որն սկսեց անցկացնել PCR, և միակը, որն իրականացնում է NIFTY հետազոտություն (պտղի գենետիկական վիճակի մասին անհրաժեշտ ինֆորմացիա ստանալու համար նախատեսված ոչ ինվազիվ, հղիության ընթացքում իրականացվող սքրինինգ, որը կարելի է անել հղիության 10-րդ շաբաթից):
Լաբորատորիան համարվում է հեպատիտ B և C վիրուսների ախտորոշման առաջատար, քանի որ աշխատում է նոր սերնդի դիագնոստիկ և բժշկական սարքավորումներ մատակարարող, համաշխարհային ճանաչում ունեցող առաջատար ֆիրմայի ռեագենտներով, որոնք ապահովում են բարձր սպեցիֆիկություն և զգայունություն:
Համազգային վստահության խորհրդի կողմից «Պրոմ-Տեստ»-ն արժանացել է «Տարվա առաջատար ախտորոշման կենտրոն», «Տարվա լավագույն բժիշկ և տարվա լավագույն բուժհիմնարկ 2014» մրցանակին: Այստեղ աշխատում են արտասահմանում վերապատրաստված մասնագետներ: «Պրոմ-Տեստ». Հայաստանում բժշկության ոլորտում նորամուծությունների առաջատար:
Առողջապահական համակարգ մասնագիտական պարբերական
2018-05-28
Աստղիկ Բժշկական կենտրոնում իրականացվել է ցուկերկանդլի ուռուցքի բացառիկ վիրահատություն կենտրոնի Էնդոկրին վիրաբուժության ծառայության ղեկավար Արմեն Վարժապետյանի կողմից:Ֆեոքրոմոցիտոման հանդիսանում է հորմոնակտիվ ուռուցք, որը բնութագրվում է չափազանց մեծ քանակությամբ ադրենալինի և նոր ադրենալինի արտադրությամբ, ուղեկցվում է արտահայտված և դեղորայքային բուժման չենթարկվող բարձր զարկերակային ճնշումով, նյարդային համակարգի, աղե-ստամոքսային ուղու, էնդոկրին և արյան համակարգերի տարբեր խանգարումներով:Այս ուռուցքները հիմնականում(85%) զարգանում են մակերիկամներում, սակայն քիչ չեն նաև արտաերիկամային տեղակայումները, որոնցից թե բուժման, թե ախտորոշման տեսակետից առավել բարդ են այսպես կոչված՝ Ցուկերկանդլի ուռուցքները: Վերջիններս ունեն արտաորովայնամզային տեղակայություն, ուղեկցում են, կիպ հպվում են, երբեմն էլ ներ են աճում աորտային և ստորին սիներակին: Այս ուռուցքի հեռացումը կրում է վտանգներ ոչ միայն վիրահատության տեխնիկական բարդությունների, այլև վիրահատության ժամանակ և վիրահատությունից հետո զարկերակային ճնշման կտրուկ տատանումների հետևանքով՝ հնարավոր մահացու ելքի պատճառով: Կլինիկական դեպք Հիվանդը /62տ./ դիմել է «Աստղիկ» ԲԿ՝ գանգատվելով բարձր զարկերակային ճնշումից(220/120-սահմաններում), որը վերջին 6 տարիների ընթացքում ընդհանրապես չի ենթարկվել դեղորայքային բուժման: Հիվանդի մոտ նաև առկա էր շաքարային դիաբետ, և միայն ինսուլինի բարձր չափաբաժինների ներարկումները հնարավորություն էին տալիս կարգավորել գլյուկոզայի մակարդակն արյան մեջ: Բժշկական կենտրոնում կատարված կոնտրաստային ԿՏ-անգիոգրաֆիան հայտնաբերեց վերը նկարագրված Ցուկերկանդլի ուռուցքը: Վերջինիս ախտորոշումը հաստատվեց համապատասխան հորմոնային անալիզներով: Փոխանցում է Աստղիկ ԲԿ-ի կայքը: Համապատասխան մասնագիտացված նախավիրահատական պատրաստումից հետո կատարվել է ուռուցքի հեռացում՝ լապարոտոմիկ եղանակով Էնդոկրին վիրաբուժության ծառայության ղեկավար Արմեն Վարժապետյանի կողմից: Հետվիրահատական շրջանում զարկերակային ճնշումը և գլյուկոզայի մակարդակն արյան մեջ նորմալացել են համապատասխանորեն՝ առանց հակաճնշումային դեղամիջոցների և ինսուլինի:
Սիրով տեղեկացնում ենք, որ 2025 թվականի հոկտեմբերի 20-ից 24-ը Գերմանիայի Դաշնության լավագույն բարիատրիկ վիրաբույժ, Գերմանիայի Դաշնային Ազգային Ճարպակալման Գերազանցության Կենտրոնի գլխավոր մասնագետ և տնօրեն, Ֆրանկֆուրտի Համալսարանական Հիվանդանոցի վիրաբուժական ծառայոության ղեկավար պրոֆեսոր Պլամեն Ստայկովը «Աջափնյակ» Բժշկական Կենտրոնի տնօրինի հրավերքով առաջին անգամ կայցելի Երեվան, որտեղ Կենտրոնի հմուտ բարիատրիկ վիրաբուժական թիմի հետ համատեղ կկատարի մի շարք տարատեսակ բարիատրիկ վիրահատություններ։ Պրոֆեսոր Ստայկովի մասին առավել մանրամասն տեղեկատվությունը կարող եք ստանալ այս հղում։ www.prof-staikov.com 25 տարվա բարիատրիկ վիրահատությունների փորձ ունեցող պրոֆեսոր Ստայկովը տարեկան կատարում է 1000 ից ավել բարիատրիկ վիրահատություններ, եվ համարվում է ճարպակալման դեմ ուղղված վիրահատություններ կատարող բացառիկ փորձ ունեցող Եվրոպայում, որի կարծիքին հաշվի են նստում մոլորակի առաջատար Կենտրոնները։ Նա հանդիսանում է բազմաթիվ նորարությունների և գյուտերի հեղինակ, նոր միջամտական եղանակների հեղինակ, բազմաթիվ միջազգային մրցանակների դափնեկիր, նրան դիմում են նույնիկս այն բարդ դեպքերում, երբ այլ բարիատրիկ վիրաբույժներ դժվարանում են կատարել վիրահատություններ, նա հանդիսանում է ոլորտի միջազգային բացառիկ էքսպերտը։
Արթմեդ ԲՎԿ Ուրոլոգիական բաժանմունքը ակտիվորեն զբաղվում է տղամարդկանց միզասեռական օրգանների վիրաբուժական հիվանդությունների և կանանց միզային օրգանների և ուղիների հիվանդությունների արդյունավետ բուժմամբ։Այս բոլոր գանգատներից հատկապես հատուկ ուշադրության է արժանի արյունամիզությունը, որի հիմնական սկզբնաղբյուրը նորագոյացություններն են միզուղիների տարբեր հատվածներում, հետևաբար չի կարելի հետաձգել բժշկին դիմելը։ Տղամարդկանց պարագայում ուրոլոգին դիմելու անհրաժեշտություն կա, երբ առկա են հատկապես հայտնի է միզասեռական օրգանների գոյացությունների և վերականգնողական միջամտություններ պահանջող խնդիրների բուժմամբ։ Մինչև հիմա մեր բաժանմունքում կատարվում էր բաց վիրահատություններ, բայց վերջին կես տարվա ընթացքում առավել ակտիվ ներդրել ենք լապարասկոպիկ վիրաբուժությունը, որը հնարավորոթյուն է տալիս կատարել արդյունավետ վիրահատություններ քիչ տրավմատիկ եղանակով, կարճացնել հետվիրահատական շրջանը, իջեցնել հետվիրահատական բարդությունների քանակը, կանխատեսելի դարձնել արդյունքները, չունենալ արյան կորուստ։ Լապարասկոպիկ վիրահատությունները կիրառում են երիկամների, վերին միզուղիների, շագանակագեղձի և միզապարկի ուոուցքների, ինչպես նաև տարբեր վերականգողական միջամտություններ պահանջող իրավիճակների դեպքում։ Լապարասկոպիկ ժամանանակից միջամտությունները ներդնելու մեր նպատակն է ստեղծել Հայաստանում ուրոլոգիական վիրահատությունների իրականացման այն որակը, որն առկա է առաջատար երկրներոմ և հասնել նրան, որ որպեսզի ուորոլոգիական միջամտություննների կարիք ունեցող պացիենտները մի քանի անգամ ավելի մատչելի գներով Հայաստանում ստանան նույն արդյունքները, ինչը որ ստանում են արտերկրում։ Այս բաժանմունքում օնկոուրոլոգիական հիվանդություններով դիմող պացիենտները ստանում են բարձրակարգ բժշկական օգնություն, երկարացնում կյանքի տևողությունը, ձգալիորեն բարելավում կյանքի որակը «Արթմեդ» ԲՎԿ ուրոլոգիական բաժանմունքումը հայտնի է նաև միզասեռական օրգանների տարբեր պաթոլոգիաների ժամանակ պահանջվող բացառիկ ռեկոնստրուկտիվ պլաստիկ միջամտություններով, այդ թվում ուրետրոպլաստիկա և միզապարկ-հեշտոցային,միզածորան-հեշտոցային խուղակների պլաստիկա այտի լորձաթաղանթի հյուսվածքներով: Դրանք ժամանակակից ու բարդ միջամտություններ են, որոնք պահանջում են կատարողական բարձր տեխնիկա ու վիրաբուժական հմտություն, որը լիարժեք առկա «Արթմեդի» ուրոլոգիական բաժանմունքում:
Աճուկային ճողվածք առաջանում է, երբ որեւէ օրգան մտնում է ճողվածքի մեջ, սեղմվում է եւ չի սնուցվում:Տղաների մոտ հիմանականում օղակվում են բարակ աղիքի գալարները, աղջիկների մոտ արգանդափողը՝ ձվարանի հետ: Դա կարող է պատահել ներորովայնային ճնշման ցանկացած դեպքում ՝ բարձր ճչոց, փորկապություն, հազ և այլն:Վիրահատությունը ուշացնել պետք չէ, հակառակ դեպքում անհրաժեշտություն է առաջանում հեռացնել օղակված օրգանը կամ տվյալ հատվածը:Արաբկիր բժշկական կենտրոնի Ուրո-վիրաբուժական բաժանմունքում աճուկային ճողվածքի վիրահատության տևողությունը չի գերազանցում 15 -20 րոպեն, սակայն բարդացումների դեպքում վիրահատությունը լինում է երկու- երեք ժամ: Ալբերտ Լալազարյան
Եթե ձեր ականջը ցավում է լողավազանից կամ ծովում լողալուց հետո, ապա այդ ցավը պետք չէ անտեսել։ Ամենայն հավանականությամբ, ջուրն ականջից ներս է թափանցել և բորբոքային պրոցես առաջացրել։ Երեխաների մոտ խնդիրն ավելի հաճախ է առաջանում, քանի նրանց լսողական անցուղիները պատող մաշկը բարակ են և խոցելի վարակների նկատմամբ: Եթե ականջի մեջ ջուր է անցնում, այն նոսրացնում է ծծումբը և տեղի է ունենում դրա ուռչում։ Սա բարենպաստ պայմաններ է ստեղծում ներս ներթափանցած վարակի ակտիվորեն զարգացման համար և հրահրում է բորբոքային պրոցեսներ։ Այս դեպքում մարդուն միաժամանակ անհանգստացնում է ականջի ցավը, խցանվածությունը և ուժեղ քորը։ Այս բոլոր ախտանիշները վկայում են միջին ականջի բորբոքման մասին: Այն կարող է լինել արտաքին, որը հաճախ կոչվում է «լողորդի ականջ», կամ միջին՝ երբ մրսածության պարագայում քթից կամ կոկորդից վարակը անցնում է միջին ականջ։ Ինչպե՞ս դուրս բերել ջուրն ականջից Գլուխը թեքեք դեպի ուսը և նրբորեն քաշեք ձեր ականջի բլթակը Չորացրեք ականջը սրբիչով։ Կարևոր. մի փորձեք չորացնել ականջը բամբակյա փայտիկներով կամ լուցկիներով, որոնք փաթաթված են բամբակով: Այսպիսով, դուք միայն կվատացնեք այն՝ ուռած ծծումբը ներս կմղեք, կվնասեք լսողական անցուղիները։Եթե չի ստացվում հեռացնել ջուրը, անհրաժեշտ է դիմել ԼՕՌ բժշկի:Քիթ-կոկորդ-ականջաբան, բ․գ․թ․, դոցենտ Արմեն Վլադիմիրի Հայրապետյան
